‘Justice League’ Blu-Ray အကြောင်းကြေညာ – Zack Snyder Cut မပါဝင်

ဒါရိုက်တာ Zack Snyder ရဲ့ extended cut ကိုမျှော်လင့်နေကြတဲ့ Justice League ပရိသတ်တွေအတွက်ကတော့ မျှော်လင့်ချက်ကသိပ်မကျန်တော့သလောက်ပါပဲ။ ဘာကြောင့်လည်းဆိုတော့ Justice League Blu-Ray မှာ Extended Cut နဲ့ပတ်သက်တဲ့အရိပ်အယောင်တွေမမြင်တွေ့ရတဲ့အတွက်ဖြစ်ပါတယ်။

 

အဲဒီတော့ Blu-Ray မှာ ဘာတွေအပိုပါဝင်လာမှာလည်း.. အထူးတလည်ပြောစရာဆိုလို့ “The Return of Superman” လို့အမည်ရတဲ့ deleted scene တစ်ခုပဲ မည်မည်ရရပါဝင်လာပါတယ်။ ကျန်တာတွေကတော့ DC comic အကြောင်း၊ ပါဝင်ခဲ့တဲ့သရုပ်ဆောင်တွေရဲ့ အင်တာဗျူးတွေနဲ့ behind-the-scene တွေပဲဖြစ်ပါတယ်။

 

Extended Cut ကိုမျှော်လင့်နေကြတာကလည်း အကြောင်းရှိပါတယ်။ Justice League ဟာ ထင်ထားသလောက် response တွေမကောင်းခဲ့ပါဘူး။ ဇာတ်ကားကလည်း သူ့ဟာနဲ့သူလိုအပ်ချက်တွေရှိခဲ့ပါတယ်။ အဲဒီတော့ Batman v Superman: Dawn of Justice တုန်းကလို Zack Snyder ရဲ့ extended cut ကများ theatrical cut ထက်ပိုကောင်းမလားဆိုတဲ့မျှော်လင့်ချက်နဲ့ Justice League ရဲ့ Blu-Ray သတင်းကိုစောင့်မျှော်နေကြတာဖြစ်ပါတယ်။

 

မြင်ရသလောက်ဆိုရင်တော့ Zack Snyder က Justice League project ကနေအနားယူလိုက်ချိန်မှာ သူလုပ်နေကျ extended cut အတွက် ပြင်ဆင်ဖို့အချိန်မရခဲ့ဖူးလို့ယူဆလို့ရပါတယ်။ အခုပါဝင်လာမယ့် “The Return of Superman” ဟာကလည်း Snyder ဟာဖြစ်နိုင်သလို Joss Whedon ဟာလည်းဖြစ်နိုင်ပါတယ်။ အဲဒီတော့ Snyder Cut ကိုစောင့်မျှော်နေကြတဲ့ ပရိသတ်တွေကိုတော့ Sorry ပါလို့နှစ်သိမ့်ရုံမှတစ်ပါး အခြားဆိုဖွယ်ရာမရှိပါဘူး။

Leave a Reply

Your email address will not be published. Required fields are marked *