Warner Bros က ‘Fantastic Beasts: The Crimes of Grindelwald’ ပုံအသစ်တွေထပ်ထုတ်ပေး

ပြီးခဲ့တဲ့ရက်ပိုင်းက Warner Bros က ဒုတိယမြောက် Fantastic Beasts ဇာတ်ကားဖြစ်တဲ့ ‘Fantastic Beasts: The Crimes of Grindelwald’ ရဲ့ပုံအသစ်တွေ ထပ်မံထုတ်ပြန်ပေးခဲ့ပါတယ်။ ပထမပုံမှာဆိုရင် Newt Scamander (Eddie Redmayne) က ပဲရစ်မြို့ကပို့လိုက်တဲ့ postcard ကိုဖွင့်ဖောက်နေတာကို တွေ့ရမှာပါ။ ပေးပို့သူကိုမဖော်ပြထားတဲ့အတွက် စဉ်းစားချင်စရာပါ။ ဒုတိယပုံမှာကတော့ Newt နဲ့ Jacob (Dan Fogler) တို့ကို ပဲရစ်မြို့ရဲ့လမ်းမတစ်ခုပေါ်မှာသွားလာနေတာကို တွေ့ရမှာဖြစ်ပါတယ်။ ဒီပုံဟာ ပထမဇာတ်ကားအပြီး ၁ နှစ်အကြာမှာဇာတ်အိမ်တည်ထားတဲ့အတွက် အဲဒီအတောအတွင်းမှာ Newt နဲ့ Jacob တို့ဘယ်လိုပြန်ဆုံသွားကြသလဲဆိုတာက တွေးချင်စရာလေးပါ။ တတိယပုံမှာတော့ Newt နဲ့ Tina (Katherine Waterston) တို့ကို Locker တစ်ခုအနားမှာမြင်တွေ့ရမှာဖြစ်ပါတယ်။ အဲဒီ Locker ထဲမှာဘာတွေများရှိတာလဲဆိုတာကလည်း မေးခွန်းထုတ်ချင်စရာလေးပါပဲ။

 

Photo: Warner Bros.

 

Photo: Warner Bros.

 

Photo: Warner Bros.

 

အောက်ကပုံတွေကတော့ ပထမအသုတ်အနေနဲ့ ထုတ်ပြန်ခဲ့တဲ့ပုံတွေဖြစ်ပါတယ်။ ပထမပုံမှာဆိုရင် လူဆိုးကြီး Gellert Grindelwald (Johnny Deep) နဲ့ သူ့ရဲ့လက်ရုံး Vinda Rosier (Poppy Corby-Tuech) တို့ကိုယှဉ်တွဲပြီးတွေ့ရမှာပါ။ ဒုတိယပုံမှာတော့ Jude Law သရုပ်ဆောင်ထားတဲ့ လူငယ် Dumbledore ကိုစတိုင်ကျကျတွေ့နိုင်မှာဖြစ်ပါတယ်။ တတိယပုံမှာတော့ ဇာတ်လိုက်ကြီး Newt Scamander ကို အထာကျကျတွေ့မြင်ရမှာဖြစ်ပါတယ်။

 

(Photo: Jaap Buitendijk/Warner Bros.)

 

(Photo: Jaap Buitendijk/Warner Bros.)

 

(Photo: Jaap Buitendijk/Warner Bros.)

 

Fantastic Beasts: The Crimes of Grindelwald ရုပ်ရှင်ကို ၂၀၁၈ နိုဝင်ဘာ ၁၆ ရက်နေ့မှာ စတင်ပြသသွားမှာဖြစ်ပါတယ်။

Leave a Reply

Your email address will not be published. Required fields are marked *