ပေါ့ပေါ့ပါးပါးနဲ့ ဟာသရသပေးမယ့် ‘Midnight Runners’

midnight runners

ဒီဇာတ်ကားထဲက သရုပ်ဆောင်တွေက Chemistry အင်မတန်ကောင်းတာ.. ဒါကြောင့်လည်း ဇာတ်ကားက ကြည့်လို့ကောင်းတာ” ဆိုတာက ရုပ်ရှင်ချစ်သူတွေကြားမှာ မကြာမကြာသုံးနှုန်းလေ့ရှိတဲ့ အသုံးအနှုန်းလေးပါ။ ဒါပေမယ့် အဲဒါကို တိတိပပ ရှင်းပြဖို့ကျပြန်တော့လည်း နည်းနည်းလက်ပေါက်ကပ်ပါတယ်။ အဲဒါဆို သရုပ်ဆောင်တွေကြားက “Chemistry” ဆိုတာက ဘာကိုဆိုလိုတာလဲ…

 

အဲဒီလို အဓိကသရုပ်ဆောင်တွေ Chemistry ကောင်းပြီဆိုရင် Dialogue တွေမပါပဲနဲ့ကို သူတို့ရဲ့ဟန်ပန်အမူအရာကိုကြည့်တာနဲ့တင် ဇာတ်လမ်းကပေးချင်တဲ့ Message ကို ခံစားရပါတယ်.. ဟာသဆိုလည်း ဟာသ.. အချစ်ဆိုလည်း အချစ်ပေါ့။ ဥပမာအနေနဲ့ Read More

မုဒြာရဲ့ ခေါ်သံ ကြည့်ရတာ မမိုက်ပါဘူးဗျာ

ကဲ ခီခီတို့ရဲ့ ပရိသတ်ကြီးရေ…. ပြီးခဲ့တဲ့ သောကြာနေ့ကစတင်တဲ့ မုဒြာရဲ့ ခေါ်သံကို ကြည့်ပြီးကြပြီထင်ပါတယ်နော်။ ဘယ်လိုတွေများ မြင်မိကြလဲဗျာ.. မကြည့်ရသေးဘူးဆိုရင်ရော ဘယ်တော့သွားကြည့်ဖို့များ စီစဉ်ထားလဲဗျ?

အက်မင်ကတော့ အေးအေးဆေးဆေးကြည့်ရအောင် တင်တင်ချင်းသွားမကြည့်ပဲ တနင်္ဂနွေနေ့မှ သွားကြည့်ဖြစ်ပါတယ်။ အေးဆေးလားမအေးဆေးလားဆို တစ်ရက်တည်းကို နှစ်ကားပြိုင်ကြည့်လိုက်တယ်လေ (အေးရော 😂) ပြိုင်ကြည့်တယ်ဆိုလို့ နာမည်ကြီးနေတဲ့ ရွှေကြာနဲ့ပြိုင်ကြည့်တယ်မထင်ပါနဲ့နော်။ အချစ်ကလေး Alicia ရဲ့ Tomb Raider ကားလေးကြည့်မိတာပါ။ အထင်လွဲမခံနိုင်ဘူးလေ 😂

အင်ထရိုဝင်တာအရမ်းများသွားပြီ မုဒြာခေါ်သံ ကြည့်ရတာ မမိုက်တဲ့ အကြောင်းလေး ဆက်လိုက်မယ်နော်။

Read More

Reviews

No Comments

ပညာသားပါတဲ့ ပျက်လုံးလေးတွေနဲ့ သင့်ကိုရယ်မောစေမယ့် ‘The Death of Stalin’: Review

the death of stalin

စတာလင်.. ဆိုဗီယက်ပြည်ထောင်စုကြီးကို သံလက်သီးအုပ်ပြီး အုပ်ချုပ်ခဲ့တဲ့ စတာလင်.. ပြည်သူပြည်သားတွေ တုတ်တုတ်မလှုပ်ရဲအောင်ကြောက်ခဲ့ရတဲ့ စတာလင်.. လူပေါင်း သန်း ၂၀ ခန့်ရဲ့လူသတ်တရားခံ စတာလင်.. သူ့လိုလူမျိုးတစ်ယောက် ရုတ်တရက်ကွယ်လွန်သွားတော့ ခေါင်းဆောင်မဲ့သွားတဲ့ တိုင်းပြည်ကြီးမှာ အရာရာတိုင်းက ဗြောင်းဆန်ကုန်ပါတော့တယ်။

 

The Death of Stalin‘ ဟာ နိုင်ငံရေးသရော်ကားတွေနဲ့ နာမည်အင်မတန်ကြီးတဲ့ ဒါရိုက်တာ Armando Iannucci ရဲ့လက်ရာ Dark Comedy ဇာတ်ကားတစ်ကားပါ။ ဒီဇာတ်ကားကို ၂၀၁၇ တိုရွန်တိုနိုင်ငံတကာရုပ်ရှင်ပွဲတော်မှာ ပွဲဦးထွက်အနေနဲ့ပြသခဲ့ပြီး Critic တွေက ဝိုင်းချီးကျူးလွန်းလို့ ကမ္ဘာတဝန်းက ရုပ်ရှင်ချစ်ပရိသတ်တွေရဲ့ မျှော်လင့်စောင့်စားခြင်းကို ခံခဲ့ရပါတယ်။ Read More

Reviews

No Comments

ဆယ်ကျော်သက်တွေ ရဲ့ ဘဝကို အသေအချာ ထင်ဟပ်ပြသမယ့်ရုပ်ရှင် The Edge Of Seventeen

ဒီရုပ်ရှင်ဟာ ကျွန်တော် တို့ ပုံမှန်ကြည့်နေကြ Teen movie တွေကနေ သိသိသာသာ ကွဲထွက်နေတဲ့ ရုပ်ရှင်ပါပဲ ။ အကြီးအကျယ် ညွှန်းရမယ်ဆို The edge of seventeen ဟာ အထက်တန်းကျောင်းမှာ ခပ်ကုပ်ကုပ် နေခဲ့ရတဲ့ ကျောင်းသားတွေ ၊ Friendship breakups တွေကရတဲ့ depression တွေ ၊ ဆယ်ကျော်သက် သမီးရည်းစား ကိစ္စတွေ အကုန်လုံးကို ကိုယ်စားပြု ရိုက်ကူးထားပါတယ် ။

Poster ထဲက ဇာတ်ကောင် ကောင်မလေး Nadine ဟာ ငယ်ငယ် ကလေးဘဝ ကတည်း လောက ကြီးကို အလိုမကျ သူဖြစ်ပါတယ် ။ Nadine မှာ မောင် တစ်ယောက်ရှိပြီး Bipolar ဖြစ်နေဟန်တူတဲ့ အမေတစ်ယောက်ရှိပါတယ် ။ သူ့အဖေကတော့ သူနဲ့ ကားလျှောက်မောင်းနေရင်းနဲ့ပဲ ရောဂါကြောင့်

Read More

စာအုပ်ဖတ်ပြီး မှ ကြည့်သင့်တဲ့ ရုပ်ရှင် “The Godfather”

The godfather နဲ့ပတ်သတ်ပြီး ကိုယ်မကြာခဏ ပြောဖြစ်တဲ့ စကားကတော့ ” ကမ္ဘာပေါ်မှာ The godfather ရုပ်ရှင်ကို မကြိုက်တဲ့လူ မရှိဘူး ၊ ရှိခဲ့ရင်လည်း အဲ့လူက စာအုပ် မဖတ်ရသေးဘဲ ရုပ်ရှင် ကြည့်မိတဲ့ လူဖြစ်လိမ့်မယ်” ဆိုတာပါပဲ။

အဓိကတော့ the godfather ရဲ့ ဇာတ်အိမ် နဲ့ အကြောင်းအရာ အရှုပ်အရှင်း တွေဟာ ရုပ်ရှင်ထဲမှာ အတော်နားလည်ရခက်ပါတယ်။ Italian  နာမည် တွေ ၊ မြေအောက်ဂိုဏ်း တွေရဲ့ ယဉ်ကျေးမှု တွေ နဲ့ သူတို့ culture တွေကို ကျွန်တော် တို့ အနေနဲ့ တီဗီ ဖန်သားပြင်က တစ်ဆင့် အဆုံးစွန် နားလည် နိုင်မှာ မဟုတ်ပါဘူး။  ဒါပေမယ့် စာအုပ်ထဲမှာတော့ ဒီအချက်တွေဟာ စာဖတ်သူနားလည်အောင် အသေးစိတ် ဖော်ပြသွားတာကို ခံစားရမှာပါ။ The Godfather ရဲ့ စာရေးဆရာ က တော့ နာမည်ကျော် ဝတ္ထုရေးဆရာ Mario Puzo ဖြစ်ပြီး တကယ်လို့ မြန်မာ ဘာသာပြန် နဲ့ ဖတ်ရှု့မယ် ဆိုရင်တော့ တက္ကသိုလ်နေဝင်း ဘာသာပြန်ထားတဲ့ The godfather ကို ၁၀၀% recommend ပေးပါတယ်။

ကျွန်တော် လွန်ခဲ့တဲ့ ၆ နှစ်လောက်က The godfather ကို စကြည့်ဖူးတော့ အိပ်ပါပျော်သွားခဲ့ဘူးပါတယ်။ cinematography အင်မတန်ကောင်းပေမယ့် ဇာတ်လမ်း အေးလွန်းပြီး သရုပ်ဆောင်တွေရဲ့ အမူအယာ တွေက မျက်နှာသေ ဖြစ်နေတယ် လို့ခံစားရတာကြောင့်ပါ။ ဒါပေမယ့် အဲ့နောက်ပိုင်း Mario Puzo ရဲ့ မူရင်းဝတ္ထုကိုဖတ်ပြီးမှ ရုပ်ရှင်ပြန်ကြည့်ဖြစ်တဲ့ အခါမှာတော့ The godfather ဝတ္ထုရော၊ ရုပ်ရှင် ရောက ကျွန်တော် အကြိုက်ဆုံးတွေ ဖြစ်လာခဲ့ပါတယ်။

The godfather ရဲ့ အဓိက ထူးခြားချက်တော့ စာအုပ်ရဲ့ ပေးနိုင်စွမ်း ရသနဲ့ ရုပ်ရှင် ရဲ့အနှစ်သာရဟာ မစိုသလောက်တောင် မယုတ်လျော့သွားတာပါပဲ။ ပြောရရင်တော့ သရုပ်ဆောင်တွေ အင်မတန် ကောင်းတယ်ပေါ့ဗျာ။  ဇာတ်လမ်းရဲ့ အဓိက ခေါင်းကိုင်ဖခင်ဖြစ်တဲ့ Don Corleone နေရာ သရုပ်ဆောင်သူ Marlon Brando ဆိုရင် သရုပ်ဆောင်ကောင်းတယ် ဆိုတာထက် ဇာတ်လမ်း character နဲ့ သူနဲ့ ကတစ်သားထဲ ထပ်တူကျနေတာမျိုးပါ။  အဲ့အတွက်လည်း သူက The godfather ရုပ်ရှင်နဲ့ ပတ်သတ်ပြီး Oscar ရရှိခဲ့ပါပါတယ်။

The godfather ရုပ်ရှင်ဟာ ဆိုရင် 1972 ခုနှစ်မှာထွက်ရှိခဲ့တာဖြစ်ပြီး ဒါရိုက်တာ Francis Ford Coppila ရိုက်ကူးခဲ့တာဖြစ်ပါတယ်။ ဇာတ်ဆောင်တွေ အနေနဲ့လည်း အထက်မှာ ဖော်ပြခဲ့တဲ့ Marlon Brando ပါဝင်တာဖြစ်တဲ့ အပြင် သူ့သား Micheal Corleone နေရာမှာသရုပ်ဆောင်တာ ကတော့ နာမည်ကျော် မင်းသား Al Pacino ဖြစ်ပါတယ်။ ဇာတ်အိမ် က America မှာရှိတဲ့ Italian ဂိုဏ်းတွေအကြောင်း အခြေခံထားတာဖြစ်ပြီး ရုပ်ရှင်ဇာတ်လမ်း ဆိုတာထက် အဲ့ခေတ် ၊ စနစ် ရဲ့ သရုပ်မှန် ကို ထင်ထင်ရှားရှား ပုံဖော်ရိုက်ကူးထားလို့ မသေခင် ကြည့်သွားရမယ့် ဇာတ်ကားထဲမှာ ပါဝင်ပါတယ်။

Reviews

No Comments

Single ကိုကိုမမတို့အတွက် Valentine’s Day မှာကြည့်ဖို့ ရုပ်ရှင် ၁၀ ကား

ဖေဖော်ဝါရီ ၁၄ ဆိုတာဘာကြီးတုန်း.. မသိဖူး လာမမေးနဲ့” လို့ရောချတတ်တဲ့ မမတွေ ညီမလေးတွေ..

 

ကိုယ်တွေကတော့ ဘာဘာညာညာမရှိတော့ Valentine’s Day မှာ ပိုက်ဆံမကုန်ဖူးပေါ့” လို့ ရူးချင်ယောင်ဆောင်တဲ့ ကိုကိုတွေ ညီလေးတွေ..

 

ဘယ်လိုအကြောင်းကြောင့်ဖြစ်ဖြစ် ဖေဖော်ဝါရီ ၁၄ မှာ လက်ချင်းချိတ်ပြီး အပြင်အတူထွက်ဖို့ အတွဲလေးမရှိဖူးဆိုရင် အိမ်ထဲမှာနေတာက စိတ်ချမ်းသာ လူကျန်းမာပြီး မျက်စိနောက်သက်သာတယ်ဆိုတာ ဝါရင့် FA တွေက လက်ဆင့်ကမ်းခဲ့တဲ့ အကြံပေးစကားလေးဖြစ်ပါတယ်။ အဲဒီတော့ အိမ်မှာနေရင်း ဘာလုပ်မလဲဆိုတဲ့မေးခွန်းလေးပေါ်လာပါတယ်။

 

အဲဒါလေးနဲ့ပတ်သက်ပြီး အရမ်းကြီးခေါင်းစားခံမနေပါနဲ့လို့.. MoviesFan ကနေပြီးတော့ ရောင်းရင်း FA တွေအတွက် Valentine’s Day မှာ အိမ်တွင်းအောင်းပြီး ကြည့်လို့ကောင်းမယ့် ဇာတ်ကားလေး ၁၀ ခုကို ရွေးချယ်ပေးလိုက်ပါတယ်။ Happy FA Da… Happy Valentine’s Day ပါ !

 

 

27 Dresses (2008)

 

မင်္ဂလာဝတ်စုံလှလှလေး ဝတ်ခွင့်ရမယ့်အချိန်ကို အမျှော်လင့်ကြီး မျှော်လင့်နေပေမယ့် အခုချိန်ထိ ရေးရေးလေးတောင် အကောင်အထည်မပေါ်လာသေးလို့ စိတ်ညစ်နေပါသလား.. 27 Dresses ရဲ့မင်းသမီး Jane လောက်တော့ အဖြစ်မဆိုးသေးပါဘူး။ သူ့ခမျာ သူတို့သမီးအရံ ၂၇ ကြိမ်တိုင်အောင်လုပ်ဖူးပေမယ့် သူကိုယ်တိုင် စင်မြင့်ထက်မှာ လက်စွပ်လဲလှယ်ခွင့်မကြုံရသေးပါဘူး။ ဒါပေမယ့် ကံကြမ္မာကြီးက တစ်ချိန်ချိန်မှာတော့ သင့်ကိုမျက်နှာသာပေးမယ်ဆိုတာကို ဒီပေါ့ပေါ့ပါးပါး အချစ်ဟာသကားလေးက သက်သေပြသွားမှာဖြစ်ပါတယ်။ ဒီဇာတ်ကားလေးကိုကြည့်ပြီး မင်္ဂလာဆောင်ဖို့ စိတ်ကူးယဉ်နေတဲ့ FA မမ တွေ ခွန်အားယူလို့ရပါတယ်.. အားမငယ်ကြပါနဲ့လို့.. 😉

 

 

My Sassy Girl (2001)

 

FA ကိုကိုတို့ရေ.. အော့ကြောလန်ရလောက်အောင် အမှန်အကန်ဆိုးတဲ့ကောင်မလေးတွေကလည်း သူ့ဟာနဲ့သူချစ်ဖို့ကောင်းကြပါတယ်။ သူတို့လေးတွေက ကိုယ့်ရဲ့ အသည်းတစ်ခြမ်းမဖြစ်လာဖူးလို့ မပြောနိုင်ပါဘူး။ အဲဒီတော့ ဆိုးတာကိုသည်းမခံနိုင်လို့ သင်္ကြန်မကျခင်ကတည်းက ရေကုန်မနေပါနဲ့လို့.. အချစ်ဆိုတာကို မထင်မှတ်ထားတဲ့နေရာမှာ မထင်မှတ်ထားတဲ့ပုံစံနဲ့ ရှာဖွေတွေ့ရှိနိုင်တယ်ဆိုတာကို ဒီ classic romcom ဇာတ်ကားလေးကိုကြည့်ရှုရင်း အဖြေရှာကြည့်နိုင်ပါတယ်။

 

 

Frozen (2013)

 

ရည်းစားမရနိုင်လို့ စိတ်ညစ်နေတဲ့ Single မမတွေ.. ရှာတတ်ရင် အချစ်ဆိုတာကို ကိုယ့်အိမ်ထဲမှာကို တွေ့နိုင်ပါတယ်။ ကိုယ့်ရဲ့ ညီမလေးတွေ၊ အစ်မကြီးတွေနဲ့ အချိန်လေးပေးပြီး နေထိုင်လိုက်ရင် သင့်ရင်ထဲက အားငယ်မှုတွေ ယူပစ်သလိုပျောက်သွားပါလိမ့်မယ်။ မယုံဘူးလား.. Frozen ထဲက Elsa ကတော့ သူညီမလေး Anna ကို ပုံအောချစ်ပြီး ပျော်ရွှင်နေလေရဲ့။ ဒီကားကြည့်ရင်း FA ဘဝရဲ့ ပူပင်သောကတွေကို သင့်ခေါင်းထဲကနေ Let It Go ပလိုက်ပါလို့..

 

 

Ted (2012)

 

ဒီတစ်ခုကတော့ ဘဒိုတွေအတွက်ပါ။ မေးခွန်းလေးတစ်ခုမေးချင်ပါတယ်.. စကားပြောတတ်တဲ့ Teddy Bear အရုပ်လေးနဲ့ အမှန်အကန်လန်းတဲ့ ကောင်မလေးတစ်ယောက်.. ဘယ်သူ့ကိုရွေးမလဲ။

 

ရည်းစားဆိုရင် Valentine လက်ဆောင်စီစဉ်ပေးရမယ်၊ လျှောက်လည်ဖို့ပိုက်ဆံက ကုန်ဦးမယ်၊ ဒီကြားထဲ Shopping Center တွေမှာဖွင့်ထားတဲ့ စားသောက်ဆိုင်တွေထဲပြေးဝင်သွားရင် ရင်တမမနဲ့ menu စာရွက်တွေလှန်ရဦးမယ်။ Teddy Bear ဆိုရင်အဝတ်အစားဖိုးလည်းမကုန်၊ အပြင်ထွက်စရာလည်းမလို၊ စားစရာသောက်စရာဖိုးလည်း ကုန်စရာမရှိ၊ ဖက်ထားရင်လည်း အမွေးပွပွလေးနဲ့မို့ရှယ်ကောင်း။

 

ဒီ Buddy Comedy ဇာတ်ကားလေးကို Valentine’s Day မှာ သင့်ရဲ့ Best Bro တွေနဲ့အတူကြည့်ရှုပြီး အပေါ်မှာမေးထားတာလေးကို အဖြေရှာကြည့်လိုက်ပါ.. အချိန်ကုန်လို့ကုန်မှန်းမသိဖြစ်သွားပါလိမ့်မယ်။ ကဲ.. ဘဒိုတို့ အရွေးမမှားကြပါနဲ့နော်.. Bromance FTW ! 🤜 🤛

 

 

Horrible Bosses (2011)

 

FA တွေထုံးစံအတိုင်း Valentine’s Day ဆိုရင် အလိုအလျှောက် သောကတွေများရတဲ့အထဲ အလုပ်ကကိုယ့်ရဲ့အထက်လူကြီးက ပူညံပူညံနဲ့ပွားနေလို့ စိတ်ရှုပ်နေရပါသလား.. သင့်ရင်ထဲကအလုံးကြီးတွေကို Horrible Bosses ကြည့်ရင်း ဖြေဖျောက်လိုက်ပါလို့ အကြံပေးချင်ပါတယ်။ ဒီဇာတ်ကားထဲက ပယ်ပယ်နယ်နယ် အဗျင်းခံနေရတဲ့ အလုပ်ရှင်တွေနေရာမှာ ကိုယ်ကြည့်မရတဲ့လူကြီးကို အစားထိုးကြည့်လိုက်ရင် သင့်ရဲ့သောကတွေ ခဏတာပြေပျောက်သွားမှာအမှန်ပါပဲ။ အပြင်မှာတော့ ဘာမှသွားမလုပ်နဲ့ပေါ့နော်.. နေရင်းထိုင်ရင်း အမှုပတ်နေမှာစိုးလို့ပါ။ 😆

 

 

Star Wars

 

ဟာ.. Valentine မှာ အချစ်အကြောင်းကိုမစဉ်းစားချင်တာပါကွာ ဆိုတဲ့ FA ကိုကိုညီညီတွေအတွက် Lightsaber တဝီတီ၊ လေဆာသေနတ် တပြူးပြူးနဲ့ Jedi တို့ကမ္ဘာထဲမှာ စီးမြောကြည့်လိုက်ဖို့ အကြံပေးပါရစေ။ Original Trilogy ၃ ကား၊ Prequel Trilogy ၃ ကား၊ Sequel Trilogy ၂ ကား၊ Spin-off ၁ ကား.. မနက်မိုးလင်းကတည်းက ထိုင်ကြည့်ရင်တောင် တစ်နေကုန်ကြည့်ဖို့အတွက် ကောင်းကောင်းကြီးလုံလောက်ပါတယ်။ ဟာ. အများကြီးပဲ.. ဘယ်ဟာကြည့်ရမလဲ နည်းနည်းရွေးပေးပါဆိုရင် Prequel ၃ ကားကလွဲပြီး ကျန်တာတွေကို ကြည့်ပါလို့ပြောချင်ပါတယ်။ ‘The Force’ အကြောင်းကိုလေ့လာချင်တဲ့ ရောင်းရင်းတွေကိုပါခေါ်ပြီး အတူတူကြည့်ရင် ပိုလို့တောင်ပျော်ဖို့ကောင်းပါလိမ့်မယ်။

 

 

500 Days of Summer (2009)

 

သင်ဟာ ကိုယ့်ချစ်သူနဲ့ အကြောင်းအမျိုးမျိုးကြောင့် ပြတ်သွားပြီး ဘယ်လိုမှ ပြန်ဆက်ဖို့လမ်းစမရှိတော့လို့ ကြေကွဲဝမ်းနည်းနေရပါသလား.. သူ/သူမ ကို ဘယ်လိုမှမေ့လို့မရဖြစ်နေပါသလား.. ဖေဖော်ဝါရီ ၁၄ ရောက်ရင် အရင်နှစ် Valentine နေ့တွေကို သူလေးနဲ့ဖြတ်သန်းခဲ့တဲ့ပုံရိပ်တွေကို ပြန်လည်အောက်မေ့တမ်းတမိမှာ စိုးရိမ်နေပါသလား…

 

မိုးရွာပြီးရင် နေသာပါတယ်.. ပူလောင်တဲ့ နွေရာသီကုန်ဆုံးပြီးသွားရင် အေးမြတဲ့ဆောင်းရာသီက သင့်ဆီကိုဆိုက်ဆိုက်မြိုက်မြိုက်ရောက်လာမှာပါ။ 500 Days of Summer ကိုကြည့်ပြီး Tom တစ်ယောက် ဒီအခြေအနေကို ဘယ်လိုဖြတ်ကျော်ခဲ့သလဲဆိုတာကို နမူနာယူကြည့်လိုက်ပါလား.. သင်ခံစားနေရတာတွေကို ဖြေဖျောက်ဖို့ လမ်းစတွေ့ကောင်းတွေ့နိုင်မှာပါ။ 😉

 

 

Forgetting Sarah Marshall (2008)

 

ကိုယ့်ကိုထားခဲ့တဲ့ ex ကို မေ့ချင်ပါတယ်ဆိုမှ နေရာတကာမှာ ပြန်ပြန်တွေ့နေရတာကြီးက တကယ်ဖီးလ်ကြဲပါတယ်.. အဆိုးဆုံးကတော့ ကိုယ့် ex က နောက်တစ်ယောက်နဲ့ ပျော်ပါးနေတာပါ။ အဲတော့ကာ ဘယ်လိုလုပ်ရင် သူ့ကိုလုံးလုံးကြီးမေ့နိုင်မှာလဲ။ ဒီဇာတ်ကားထဲက Peter တစ်ယောက်ကတော့ သူ့ကိုထားသွားခဲ့တဲ့ ရုပ်ရှင်မင်းသမီး Sarah Marshall ကိုမေ့နိုင်ဖို့ နည်းမျိုးစုံနဲ့ကြိုးစားပြမှာဖြစ်ပါတယ်။ ဒီကားလေးက ချစ်သူများနေ့ကိုရင်မဆိုင်ချင်တဲ့ FA အမည်ခံ အသည်းကွဲ single တို့အတွက် ကွက်တိပဲဖြစ်မှာပါ။

 

 

How to Lose a Guy in 10 Days (2003)

 

သူမရဲ့ မဂ္ဂဇင်းတိုက်က တာဝန်ပေးလို့ ယောကျာ်းလေးတစ်ယောက်ကို ၁၀ ရက်အတွင်းဖြတ်နည်း ဆိုတဲ့ဆောင်းပါးကိုရေးရမယ့် Andie Anderson ၊ သူ့ရဲ့အလုပ်ရှင်နဲ့ အလောင်းအစားလုပ်ရာကနေ မိန်းကလေးတစ်ယောက်ကို ၁၀ ရက်အတွင်းရအောင်လိုက်ပြရမယ့် Benjamin Barry.. ရည်ရွယ်ချက်ကိုယ်စီနဲ့ တစ်ယောက်ကိုတစ်ယောက် ချဉ်းကပ်ကြရာကနေ ဘာတွေဖြစ်ကုန်မလဲ…

 

ခေါင်းစဉ်ကိုသာကြည့်လိုက်ပါ.. ယူတတ်ရင် ပညာအများကြီးရမယ့် ဇာတ်ကားတစ်ခုဖြစ်ပါတယ် 😝

 

 

The 40-Year-Old Virgin (2005)

 

Well… ခေါင်းစဉ်မှာပြောထားတဲ့အတိုင်းပါပဲ။ Andy Stitzer ဟာ အသက် ၄၀ အရွယ် လူပျိုကြီးတစ်ယောက်ပါ။ သူအသက် ၄၀ အရွယ်အထိ ဘာဆိုဘာမှ မဘာရသေးတာကို သူ့သူငယ်ချင်းတွေကသိသွားတော့ သူ့ကိုနည်းမျိုးစုံနဲ့ အစွံထုတ်ဖို့ကြိုးစားကြပါတော့တယ်။ ပြောချင်တာကတော့ ကိုကြီးတို့ အားမငယ်ကြပါနဲ့လို့.. ဘော်ဒါတွေကောင်းရင် ဖြစ်နိုင်ပါသေးတယ်။ 😝

 

 

ကဲ.. ချစ်သူများနေ့ကို အတွဲမရှိပဲဖြတ်ကျော်ဖို့အတွက် လက်နက်တွေညွှန်းပေးလိုက်ပါပြီ။ ဒါတွေကိုအသုံးချပြီး ပျော်ရွှင်ဖွယ် ဖေဖော်ဝါရီ ၁၄ လေးကို ပိုင်ဆိုင်နိုင်ကြပါစေလို့ ဆုမွန်ကောင်းတောင်းပေးလိုက်ပါတယ်။

Reviews

No Comments

ဖေဖော်ဝါရီလ ၁ရက်နေ့မှာ ချစ်စရာသမီးကလေးမွေးခဲ့တဲ့ Kylie Jenner

နှုတ်ခမ်းနီမလေးတွေရဲ့ idol Kylie Jenner တစ်ယောက်ကတော့ ၂၀၁၈ခုနှစ် ဖေဖော်ဝါရီလ ၁ရက်နေ့မှာ သမီးလေးမွေးကြောင်း သူ့ instagram account ကနေ တရားဝင် အသိပေးလိုက်ပါပြီ။

သုံးနှစ်ကြာလက်တွဲလာတဲ့ Tyga နဲ့ လမ်းခွဲပြီး သိပ်မကြာခင်မှာပဲ Travis နဲ့ date ခဲ့တဲ့ Kylie ကတော့ သူကိုယ်ဝန်ရှိနေတဲ့ ကာလတလျှောက်လုံးမှာ ဘာကြောင့် လျှို့ဝှက်နေခဲ့ရလဲဆိုတာကိုပါရှင်းပြခဲ့ပါတယ်။ ကျော်ကြားမှုဒဏ်ကိုငယ်ငယ်ရွယ်ရွယ်နဲ့ ခံခဲ့ရတဲ့ Kylie ဟာ သူ့သမီးလေးကိုတော့ စိတ်အေးအေးချမ်းချမ်းနဲ့ ပျော်ရွှင်တဲ့ဘဝလေးကို ပေးချင်မိတယ်လို့ ဖွင့်ဟခဲ့ပြီး သူတို့မိသားစုလေးရဲ့ တစိတ်တပိုင်းသောပျော်ရွှင်မှုတွေကို လျှို့ဝှက်နေမှသာ ရနိုင်မှာမို့လို့ ဒီလိုလျှို့ဝှက်ထားမှုကို ရွေးချယ်ရတာဖြစ်ကြောင်း ဆက်ရေးထားပါတယ်။ သူ့ကိုနားလည်ပေးတဲ့သူတွေနဲ့ ကူညီထောက်ပံ့ခဲ့တဲ့ မိသားစု မောင်နှမတွေနဲ့သူငယ်ချင်းတွေအားလုံးကိုလဲ ကျေးဇူးတင်ကြောင်း၊ ဒီသမီးလေးနဲ့ပတ်သက်တဲ့အရာမှန်သမျှဟာ သူ့ဘဝအတွက်ကြီးမားတဲ့ တွန်းအားဖြစ်ပြီး မမေ့နိုင်စရာမှတ်တိုင်တစ်ခုဖြစ်နေခဲ့ကြောင်း စသဖြင့် ဖွဲ့နွဲ့ခဲ့ပါသေးတယ်။

♥️

A post shared by Kylie (@kyliejenner) on

လောလောဆယ်မှာတော့ သူ့သမီးလေးပုံကို တရားဝင်ဖော်ပြထားခြင်းမရှိသေးပေမယ့် သူကိုယ်ဝန်ရှိခဲ့စဉ်ကာလကနေစပြီး ကလေးမွေးခဲ့တဲ့အချိန်ထိ အမှတ်တရ ဗွီဒီယိုလေးကိုတော့ သူ့ youtube မှာ တင်ထားတာကိုတွေ့နိုင်ပါတယ်။ လက်ရှိလက်တွဲဖော်ဖြစ်တဲ့ Travis ကလဲ သမီးလေးအတွက် ရင်ခုန်စိတ်လှုပ်ရှားနေပုံရတဲ့ ဗွီဒီယိုတွေလဲပါပါသေးတယ်။ ဒီကလေးကတော့ Travis Scott နဲ့ရတဲ့ ကလေးဖြစ်ကြောင်းပြောထားတာဖြစ်ပြီး အရင်ရည်းစားဖြစ်တဲ့ Tyga ဆီကတော့ တစုံတရာမှတ်ချက်ပေးတာမျိုး မရှိသေးပါဘူး။

Kylie ရဲ့ အမေဖြစ်တဲ့ Kriss Jenner ကတော့ သူ့ instagram account မှာ Kylie ရဲ့ message နဲ့ သူတို့အတွဲကမ်းခြေမှာကြည်နူးနေကြတဲ့ post ကို share ထားခဲ့ပြီး မိသားစုဝင်အသစ်ကလေးကို စိတ်လှုပ်ရှားစွာနဲ့ စောင့်ကြိုနေတယ်လို့ ရေးထားခဲ့ပါတယ်။ နောက်အမေတယောက်ဖြစ်တဲ့ Caitlyn Jenner (အဆန်းကြီးနော် 😝) ကတော့ သူ့ social media account တွေမှာ အဲ့ကိစ္စနဲ့ပတ်သက်ပြီး ဘာမှထွေထွေထူးထူး မတင်ထားပါဘူး။ Kylie ရဲ့ အမေနှစ်ယောက်ကြားမှာ ကလေးမွေးမယ့်ကိစ္စနဲ့ ပတ်သက်ပြီး စိတ်သဘောထားချင်းမတူညီမှုတွေရှိခဲ့ပေမယ့် နောက်ဆုံးတော့ Caitlyn ကအနိုင်ရသွားပုံပါပဲ။

Kylie သမီးလေးဟာ ရှစ်ပေါင်နဲ့ကိုးအောင်စတောင်ရှိပြီး ဒေသစံတော်ချိန် ၄နာရီနဲ့၄၃မိနစ် (ညနေပိုင်း) မှာမွေးခဲ့တာပါ။ Kylie အမတော်တွေကလေးမွေးခဲ့ကြတဲ့ Cedars-Sinai ဆေးရုံကြီးမှာပဲ တက်မွေးခဲ့တယ်လို့သိရပါတယ်။ သမီးလေးမွေးချိန်မှာ Kylie ရဲ့ မိသားစုဝင်တွေသာမက Travis ရဲ့ မိခင်ကပါလာစောင့်ပေးနေခဲ့ပြီး မိသားစုဝင်အသစ်ကလေးကို နွေးနွေးထွေးထွေးကြိုဆိုခဲ့ကြပါတယ်။

ကဲ ချစ်စရာသမီးပိုင်ရှင် Kylie လေးရေ….. Congratulation ပါ….. ဆက်ပြီးတော့လဲ မိခင်ကောင်းတစ်ယောက်ဖြစ်လာနိုင်ပါစေလို့ ဆုတောင်းပေးပါတယ်နော်။

Reviews

,

No Comments

ဖြစ်ရပ်မှန် ကျိန်စာသင့်အိမ်တွေရဲ့ အကြောင်းကို ရိုက်ကူးထားတဲ့ Ghost House

ထိုင်းနိုင်ငံကို အလည်အပတ်ထွက်လာတဲ့ ချစ်သူနှစ်ဦးဟာ မကောင်းဆိုးဝါးတစ်ကောင်းရဲ့ တိုက်ခိုက်မှုကြောင့် စိတ်မကောင်းဖွယ်ရာ အဖြစ်ဆိုးမျိုးနဲ့ ကြုံတွေ့ခဲ့ရတဲ့ ဇာတ်ကားကောင်းတကားပါ။ Horror ချစ်သူတွေ မဖြစ်မနေကြည့်သင့်တဲ့ ရုပ်ရှင်လည်းဖြစ်ပါတယ်။ ဇာတ်လမ်းရဲ့အစမှာတော့ Los Angeles ကနေ အလည်အပတ်ထွက်လာတဲ့ ချစ်သူနှစ်ဦးဟာ Suvarnabhumi airport  ကို လေယာဉ်ဆိုက်ရောက်လာပြီး Gogo tourist guide နဲ့အတူ တည်းခိုကြမယ့် ဟိုတယ်သို့ရောက်ရှိလာကြပါတယ်။ ချစ်သူနှစ်ဉီးရဲ့ romantic dinner မှာဘဲ Jim ရဲ့လက်ထပ်ခွင့်တောင်းမှုကြောင့် ဘာနဲ့မှမလဲနိုင်တဲ့ Julie ရဲ့အပျော်တွေနဲ့ တည်ဆောက်ခဲ့တဲ့ dinner လေးကို ပိုင်ဆိုင်ခဲ့ကြပြီး ဟိုတယ်သို့ပြန်ရောက်လာချိန်မှာတော့ ဗြိတိန်နိုင်ငံသား Rob နဲ့ Bill ဆိုတဲ့ ၂ယောက်နဲ့ ခင်မင်သွားခဲ့ကြပါတယ်။ လက်ထပ်ခွင့်ရရှိတာကို ဂုဏ်ယူကြောင်း သူတို့ ၂ယောက်ကို ဒကာခံဖို့ပြောပြီး Night Out သွားကြရင်း ဘန်ကောက်မှာရှိတဲ့ နတ်စင်တွေအကြောင်းကို စကားစပ်မိခဲ့ကြပါတယ်။ နတ်စင်တွေဟာ ဓာတ်ပုံရိုက်ရန်အလွန်ကောင်းကြောင်း အတူသွားကြမယ်ဆိုပြီး invite လုပ်လိုက်ပါတယ်။

နောက်တနေ့မနက်မှာတော့ သူတို့တစ်တွေ နတ်စင်တွေများစွာရှိတဲ့ တောထဲကသုသာန်သို့ ရောက်ရှိသွားခဲ့ကြပြီး ဇာတ်လမ်းကတော့ ထိုအချိန်မှာဘဲ ဇာတ်ရှိန်ပိုတက်လာပါပြီ။ နတ်စင်တွေနားကို ရောက်ရှိသွားတဲ့ Julie တစ်ယောက်ကတော့ ကင်မရာတစ်လုံးကိုင်ပြီး ကြည့်လိုက်ချိန်မှာ spirit house ရဲ့ အတွင်းထဲက ကျောက်တုံးလေးကို ဖယ်ရှားမိလိုက်ချိန် အထဲမှ လူတစ်ယောက်က သူမကို ညို့နေသလို ရုတ်တရက်အာရုံထဲမှာ ခံစားရပြီး အတွေးတွေလွင့်မျောသွားပါတော့တယ်။ ထိုအချိန်ကောင်းကင်တစ်ခုလုံး အုံ့ဆိုင်းပြီး မကောင်းဆိုးဝါးမိန်းမတစ်ယောက်ပေါ်ထွက်လာပါတော့တယ်။ Rob နဲ့ Bill ကတော့ ကားကိုမောင်းပြီး ထွက်ပြေးသွားကြပါပြီ။ Julie တစ်ယောက်တော့ စိတ်ခြောက်ခြားသလို ပုံစံမျိုးနဲ့ ကြောင်တောင်တောင်ဖြစ်ပြီး Jim ဟာ Julie ကို တောထဲကနေကယ်တင်လွတ်မြောက်လာသောလည်း ထိုအချိန်ကစပြီး  သူမရဲ့မျက်လုံးထဲမှာ မြင်တွေ့ရသမျှအရာတွေဟာ မကောင်းဆိုးဝါးတစ်ကောင်ဘဲ ဖြစ်ပါတယ်။

ဒီအချိန်မှာတော့ Ghost House ဆိုတဲ့ ဇာတ်လမ်းဟာအရှိန်အဟုန်နဲ့ အသက်ဝင်လာခဲ့ပါပြီ။ Julie တစ်ယောက်ဘယ်လို ဒုက္ခတွေထက်ခံစားရအုံးမယ် Jim ဟာသူရဲ့ဇနီးလောင်းကို မကောင်းဆိုးဝါးရဲ့ ဒုက္ခနွံထဲကနေ ဘယ်လိုတွေ အဖြေရှာပြီး ကယ်တင်အုံးမလဲဆိုတာကိုတော့  အားလုံးနဲ့အတူ ထိပ်လန့်ချင်တာကြောင့် အောက်ကရုပ်ရှင် trailer ကိုကြည့်ပြီး ဆုံးဖြတ်လိုက်ကြရအောင်……

spirit house (သို့) Ghost House (သို့) နတ်စင် ဆိုတာကတော့ အားလုံးသိအောင်အလွယ်ရှင်းပြရရင်တော့ မြန်မာလူမျိုးတို့ရဲ့ တချို့နေအိမ်ခြံဝင်းတွေထဲမှာ အမွှေးတိုင်၊ အလင်းတိုင်တွေနဲ့ ပူဇော်လေ့ရှိတဲ့ အိမ်သေးသေးလေးတွေလို ဟာမျိုးကို ဆိုလိုတာဖြစ်ပါတယ်။ ဒီမှာတော့ မကောင်းဆိုးဝါးလို့ မသတ်မှတ်သလို အစောင့်အရှောက်လို့တောင် သတ်မှတ်ကြပါသေးတယ်။ ထိုင်းမှာတော့ အစောင့်အရှာက်လို့ မသတ်မှတ်ပါဘူး။ ဒါပေမဲ့ ဒီဇာတ်ကားကို ကြည့်ပြီးချိန်မှာတော့ ထိုင်းကို သွားရမှာစိတ်ထဲမှာ ကြောက်သလိုလိုတော့ ဖြစ်မိလိုက်ပါသေးတယ်။ နောက်တခုကတော့ ထိုင်းရောက်တဲ့အခါ ဟိုတယ်တွေရှေ့နဲ့ ခြံတွေထဲမှာ ဒီလို အိမ်လေးတွေရှိတာကို သတိထားမိလိုက်တာပါဘဲ။ သူတို့ပြောပုံအရတော့ ခိုးကိုရာမဲ့နေတဲ့ ဝိဉာဉ်တွေရဲ့အိမ်ပါတဲ့နော်….။ အိမ်ကိုဒုက္ခပေးမှာဆိုးလို့ထင်ပါရဲ့ အစားအသောက်တွေ မီးတွေ အမွှေးနံ့သာတွေတောင် ပူဇော်ထားပါသေးတယ်။ အကယ်၍ ထိုင်းနိုင်ငံကို သွားမယ်ဆိုရင်တော့ အစစအရာရာဆင်ခြင်နေထိုင်ကြပါလို့ သတိလေးပေးလိုက်ချင်ပါတယ်။  ဇာတ်ကားဟာ ထိတ်လန့်စရာကောင်းယုံတင်မက အပြင်မှာ လက်တွေ့မြင်နိုင်တဲ့ အရာတွေကိုပါ အသိပညာပေးထားတာကြောင့် မသိသေးတာတွေကိုပါ ဆင်ခြင်လို့ရနိုင်ပါတယ်။

   

   

Image Source : https://www.facebook.com/pg/ghosthousemovie

Reviews

No Comments