Manga Series ကို ပြန်လည်အသက်သွင်းထားတဲ့ Principal: Am I A Heroine Who Is In Love

Manga Series ဆိုတာနဲ့ထအားပေးချင်တဲ့ Anime fan လေးတွေရှိပါသလား။။ ဒါဆိုရင်တော့ TV ဖန်သားပြင်ပေါ်မှာ Live Action ကြည့်ရှုနိုင်မယ့် Principal ဆိုတဲ့ ကားလေးကိုမိတ်ဆက်ပေးလိုက်ပါတယ်။ ဒီကားလေးကတော့ 2010 မှာထွက်ရှိခဲ့တဲ့ Principal Manga ကို ပြန်လည်အသက်သွင်းရိုက်ကူးထားတာ ဖြစ်ပါတယ်။ ဖန်သားပြင်ပေါ်က ဒီကားလေးရဲ့အရှည်ကောက်ကတော့ Principal: Am I A Heroine Who Is In Love ပဲဖြစ်ပါတယ်။

 

မင်းသားမင်းသမီးအချောတွေနဲ့ အသက်သွင်းထားတဲ့ ဒီကားလေးကလွန်ခဲ့တဲ့ Read More

Movie News

No Comments

မိသားစုသံယောဇဉ်ကို ဖော်ကြူးထားတဲ့ When Marnie Was There

တစ်ခါတစ်လေကျရင် ခရီးသွားနေတုန်း တစ်ခါမှမရောက်ဘူးတဲ့နေရာဖြစ်ပေမဲ့ ဒီနေရာကို ရောက်ဖူးတယ် ဒါမှမဟုတ် ဒီနေရာကို မြင်ဖူးတယ် ဆိုပြီး ခံစားဖူးတာမျိုး ရှိကြလားမသိဘူး။ အိမ်မက်မက်တုန်းက မြင်ဖူးတာလို့ပဲ စဉ်းစားကြတာလား ဒါမှမဟုတ် အဲ့ဒီနေရာက ကိုယ်နဲ့တစ်နေရာမှာ ပတ်သတ်မှုရှိတယ်ဆိုရင်ရော……???

 

အခုပြောပြပေးမဲ့ကားလေးကတော့ အပေါ်မှာပြောပြထားတဲ့အတိုင်း Read More

Motivation ကောင်းကောင်းပေးနိုင်တဲ့ Flying Colors

လူတိုင်းမှာ စိတ်ဓာတ်ကျတာတွေကတော့ ရှိတတ်ကြတာပါပဲ။ ဒါကတော့ လူ့သဘာဝပါ။ ဒါပေမဲ့ ဒီလို စိတ်ဓာတ်ကျနေတဲ့ အချိန်မှာ ပြန်ပြီး Motivation ပေးနိုင်တဲ့ စာအုပ်ပဲ ဖြစ်ဖြစ် ရုပ်ရှင်ပဲဖြစ်ဖြစ် သီချင်းပဲဖြစ်ဖြစ် တစ်ခုခုတော့ လိုအပ်တာအမှန်ပါ။ အခုကတော့ စာမေးပွဲတွေလည်းနီး စာတွေနဲ့ လုံးပန်းနေရလို့ အရှုံးပေးချင်စိတ်တွေပေါက်လာပြီဆို ကြည့်သင့်တဲ့ ဇာတ်ကားလေးနဲ့ မိတ်ဆက်ပေးချင်ပါတယ်။ ဇာတ်ကားလေးရဲ့နာမည်ကတော့ Flying Colors ပါ။ ဂျပန်ကားကောင်းလေးတစ်ခုဖြစ်ပြီးတော့ IMDb rating မှာလည်း 7.5 အထိရထားတာဆိုတော့ ကားကောင်းတစ်ကားဆိုတာ အသေအချာပဲနော်။

 

ငယ်ငယ်လေးထဲက Read More

Reviews

,

No Comments

Anime ချစ်သူတွေလက်လွှတ်မခံသင့်တဲ့ Tada Never Falls in Love

Anime ချစ်သူတွေ 2018 မှာမဖြစ်မနေကြည့်သင့်တဲ့ ဇာတ်ကားလေးတစ်ကားလာပါပြီ။ ဒါကတော့ Tada Never Falls in Love ပဲဖြစ်ပါတယ်။ ဘာကြောင့်ဒီလောက်ညွှန်းနေရသလဲဆိုတော့ ဒီကားလေးဟာ အခု 2018 ကမှထွက်ရှိထားပြီး IMDb မှာ Rating 7.7 နဲ့ My Anime List မှာ 7.6 အထိရရှိထားတဲ့ Anime ဇာတ်ကားကောင်းလေးဖြစ်လို့ပါပဲ။ ဒီကားလေးဟာ 2018 May ကနေ June အထိ မကြာသေးခင်ကမှ ဂျပန်ရုပ်သံလိုင်းတွေမှာထုတ်လွှင့်ပြသခဲ့တဲ့ TV series လေးပဲဖြစ်ပါတယ်။ ဇာတ်လမ်းလေးက Romatic Comedy အမျိုးအစားလေးဖြစ်ပြီး အပိုင်း ၁၃ ပိုင်းပါဝင်ပါတယ်။ အဓိကဇာတ်ဆောင်လေးတွေရဲ့ နာမည်တွေက Mitsuyoshi Tada, Teressa Wagner, Kaoru Ijuin, Alexandra Magritte နဲ့ Hajime Sugimoto စတာတွေပဲဖြစ်ပါတယ်။

ဇာတ်လမ်းလေးကတော့ သုံးပွင့်ဆိုင်အချစ်ဇာတ်လမ်းလေးဖြစ်ပြီး ဇာတ်လမ်းအကျဉ်းချုပ်လေးကတော့ Read More

အဝင်းပါတဲ့ My Country My Home – ဇာတိမြေ ဇာတ်ကားကြီး ရုံတင်တော့မယ်တဲ့နော်…

ပျိုမေတွေရဲ့ အသဲစွဲ မိုရီဆာကီဝင်း ခေါ် အဝင်း နဲ့ ရိုက်ကူးထားတဲ့ My Country My Home ရုပ်ရှင်ဇာတ်ကားကြီး ရုံတင်တော့မည်ဖြစ်ကြောင်း JCGV မှ ကြေငြာလိုက်ပါတယ်။ ဂျပန်-မြန်မာ ချစ်ကြည်ရေး ရုပ်ရှင်ဇာတ်ကားကြီးဖြစ်တာကြောင့် မြန်မာနိုင်ငံတွင်သာမက ဂျပန်နိုင်ငံမှာပါ သွားရောက်ရိုက်ကူးထားတဲ့ ဇာတ်ကားကြီးလည်း ဖြစ်ပါတယ်။ အဝင်း ကတော့ ဂျပန်ပြည်မှာ နေထိုင်တဲ့ အနုပညာရှင် မြန်မာလူမျိုးတစ်ယောက်ဖြစ်ပြီး ဒီရုပ်ရှင်ဇာတ်ကားကြီးဟာ မြန်မာနိုင်ငံအတွက် ပထမဦးဆုံး ရိုက်ကူးရတဲ့ ဇာတ်ကားကြီးလည်း ဖြစ်ပါတယ်။ သူ့အနေနဲ့ မြန်မာရုပ်ရှင်တွေသာမက Hollywood ရဲ့နာမည်ကျော်ကြား Read More

ဆောင်းဦးရာသီမှာပြသမယ်လို့ ကြေညာလိုက်တဲ့ Anime Movie – ‘Let Me Eat Your Pancreas’

“ရှေးရှေးတုန်းကလူတွေက သူတို့နေမကောင်းရင် တိရစ္ဆာန်အစိတ်အပိုင်းတွေကိုစားလေ့ရှိကြတယ်”

“အစာအိမ်မကောင်းရင် အစာအိမ်ကိုစားကြတယ်.. အဲဒါဟာသူတို့ကို ခွန်အားပြန်ပြည့်စေတယ်လို့ယုံကြည်ကြတယ်”

“အဲဒါကြောင့် ငါနင့်ရဲ့ ပန်ကရိယကိုစားချင်တယ်”

ဒါက ‘Let Me Eat Your Pancreas’ (Kimi no Suizou wo Tabetai) ဇာတ်လမ်းရဲ့ အဓိကဇာတ်ဆောင်တစ်ယောက်ဖြစ်တဲ့ အထက်တန်းကျောင်းသူလေး Yamauchi Sakura ရဲ့စကားဖြစ်ပါတယ်။ သူမဟာ ပန်ကရိယရောဂါကြောင့် မကြာမီအချိန်အတွင်းမှာသေဆုံးရတော့မယ့်သူတစ်ယောက်ဖြစ်ပါတယ်။

စာရေးဆရာ Sumino Yoru ရဲ့ ဝတ္ထုကိုမှီငြမ်းပြီးရိုက်ကူးထားတဲ့ ဒီ anime movie ကို ဆောင်းဦးရာသီအစောပိုင်းမှာ စတင်ပြသသွားမယ်လို့ ပြီးခဲ့တဲ့ရက်ပိုင်းက ဒီဇာတ်ကားရဲ့ official website ကနေတစ်ဆင့် ကြေညာလိုက်ပါတယ်။ အဲဒီကြေညာချက်နဲ့အတူ ဒီဇာတ်ကားအတွက် tagline အသစ်နဲ့ key visual တို့ကိုပါ တစ်ပါတည်းထုတ်ဖော်ပြသခဲ့ပါတယ်။

ဇာတ်လမ်းအကျဉ်းလေးကတော့ –

တစ်ရက်မှာ ကောင်လေးတစ်ယောက်ဟာ ဆေးရုံသွားရင်း အမှတ်မထင်နဲ့ စာအုပ်တစ်အုပ်ကောက်ရခဲ့ပါတယ်။ အဲဒီစာအုပ်ကိုဖတ်ကြည့်တော့ ပန်ကရိယရောဂါကြောင့် မကြာမီသေဆုံးရတော့မယ့်လူနာတစ်ယောက်ရဲ့နေ့စဉ်မှတ်တမ်းဖြစ်နေတာကို သိရှိလိုက်ရပါတယ်။ သူ့ကိုအံ့အားသင့်သွားစေတာကော့ အဲဒီစာအုပ်ပိုင်ရှင်ဟာ အမြဲတမ်းပျော်ပျော်ရွှင်ရွှင်နေတတ်တဲ့ သူ့ရဲ့အတန်းဖော် Yamauchi Sakura ဖြစ်နေတယ်ဆိုတာပါ။ သူမအဲဒီရောဂါရှိနေတယ်ဆိုတာကို သူမရဲ့မိသားစုနဲ့ ကောင်လေးကလွဲပြီး ဘယ်သူမှမသိရှိကြပါဘူး။ အဲဒါကြောင့် ဒီကိစ္စကိုဘယ်သူ့ကိုမှမပြောပြပဲ လျှို့ဝှက်ထားပေးဖို့ ကတိပေးလိုက်ပါတယ်။ အဲဒီနောက်မှာတော့ Sakura ရဲ့ကျန်ရှိသေးတဲ့နေ့ရက်လေးတွေကို သူမဘေးမှာနေပြီးအားပေးရင်းနဲ့ အတူတကွကုန်ဆုံးကြဖို့ ဆုံးဖြတ်လိုက်ပါတယ်။

ဒီဇာတ်ကားမှာ မတူညီတဲ့ အကျင့်စရိုက်ရှိကြတဲ့လူနှစ်ယောက်ကြားက relationship ကို ကြည့်ရှုခံစားရမှာပါ။ အမြဲတမ်းပြုံးပြုံးရွှင်ရွှင်နေတတ်ပြီး လူတကာရဲ့ချစ်ခင်ခြင်းကိုခံရတဲ့ Sakura နဲ့ လူတွေနဲ့ရောရောနှောနှောမနေတတ်တဲ့ကောင်လေးတို့နှစ်ယောက် သူမရဲ့နောက်ဆုံးအချိန်လေးတွေကို ဘယ်လိုများဖြတ်ကျော်ကြမလဲဆိုတာဟာ တော်တော်စိတ်ဝင်စားဖို့ကောင်းပါတယ်။ ဒီဝတ္ထုကိုဖတ်ဖူးသူတွေကတော့ ဒီဇာတ်လမ်းကို Koe no Katachi နဲ့ Kimi no na wa တွေထက်ပိုမကောင်းဘူးဆိုရင်တောင် မလျှော့ဘူးလို့ဆိုနေကြပါတယ်။

Sumino Yoru ရဲ့ဒီဝတ္ထုဟာ အုပ်ရေပေါင်း ၂ သန်းကျော်ရောင်းချရတဲ့အထိအောင်မြင်မှုရရှိခဲ့ပါတယ်။ အဲဒါကြောင့် ဒီဝတ္ထုကိုမှီငြမ်းပြီး ရုပ်ရှင်ဇာတ်ကားပါရိုက်ကူးခဲ့ကြပါတယ်။ ဒါ့အပြင် ဝတ္ထုရဲ့နာမည်နဲ့ပဲ Manga ပါရေးဆွဲထားပါသေးတယ်။ စိတ်ဝင်စားသူတွေကတော့ ဒီ anime movie မထွက်ရှိမှီ အဲဒါတွေကိုရှာဖွေကြည့်ရှုနိုင်ပါတယ်။

Ref: ANN

Miyazaki Hayao ရဲ့နောက်ဆုံးလက်ရာ Anime – March လထဲပြသမည်

ဂန္ဓဝင် Anime ဖန်တီးရှင်ကြီး Miyazaki Hayao ရဲ့နောက်ဆုံးထွက်လက်ရာ Anime ကို ၂၀၁၈ မတ်လ ၂၁ ရက်နေ့မှာ စတင်ပြသသွားမှာဖြစ်တယ်လို့ Ghibli Museum ရဲ့ Official Website ကနေတစ်ဆင့်ကြေညာလိုက်ပါတယ်။ ဒါဟာ ၂၀၁၃ ခုနှစ်ကထွက်ရှိခဲ့တဲ့ The Wind Rises ပြီးတဲ့နောက် ပထမဦးဆုံးထွက်ရှိလာတဲ့ Miyazaki ရဲ့လက်ရာဖြစ်ပါတယ်။

တစ်ခုရှိတာက ဒီ anime လေးဟာ ရုပ်ရှင်ကားကြီးမဟုတ်ပဲ ကြာမြင့်ချိန် ၁၄ မိနစ်နဲ့ စက္ကန့် ၂၀ သာရှိမယ့် ဇာတ်လမ်းတိုလေးဖြစ်ပါတယ်။ “Boro the Caterpillar” (Kemushi no Boro) လို့အမည်ပေးထားတဲ့ ဒီဇာတ်လမ်းတိုလေးဟာ Boro လို့အမည်ရတဲ့ အကောင်ပေါက်စပိုးကောင်လေးနဲ့ သူ့ပတ်ဝန်းကျင်အကြောင်းကို ရိုက်ကူးထားတာဖြစ်ပါတယ်။

Laputa: Castle in the Sky, My Neighbor Totoro, Kiki’s Delivery Service, Princess Mononoke, Spirited Away, Howl’s Moving Castle အစရှိတဲ့ ဂန္ဓဝင် anime တွေကိုဖန်တီးခဲ့တဲ့ Miyazaki ဟာ anime တွေဆက်မထုတ်တော့ဘူးဆိုပြီး အနားယူသွားပေမယ့် ဗီဇပိုးကိုမထိန်းနိုင်ရှာတော့ သူနှစ်သက်တဲ့ anime ရုပ်ရှင်တွေကို ဆက်လက်ဖန်တီးဖြစ်နေတာပဲဖြစ်ပါတယ်။ Miyazaki ဟာ မကြာမီပြသမယ့် “Boro the Caterpillar” အပြင် “Kimitachi wa Dou Ikiru ka” လို့အမည်ရတဲ့ ရုပ်ရှင်ကားကြီးတစ်ကားကိုလည်း ဖန်တီးနေပါသေးတယ်။ လူကသာနေမယ် ဗီဇကတော့မနေနိုင်ဘူးဆိုသလိုပါပဲ.. ဘာပဲဖြစ်ဖြစ် Ghibili ပရိသတ်တွေအတွက်ကတော့ သတင်းကောင်းတစ်ခုပဲဖြစ်ပါတယ်။

Ref: ANN
Featured image is the courtesy of Studio Ghibili