‘The Lion King’ Remake မှာ သူ့ရဲ့ Iconic သီချင်းတစ်ပုဒ် ပြန်လည်ပါဝင်လာမှာမဟုတ်

ကလေးဘဝ Lion King ကာတွန်း ကြည့်ခဲ့စဉ်က Scar ကို အသေမုန်းခဲ့ဖူးပါတယ်။ အခုအချိန်ထိလည်း မုန်းနေဆဲပါပဲ။ ဘာကြောင့်လည်းဆိုတော့ အာဏာမက်ပြီး Simba လေးရဲ့ အဖေ Mufasa ကို သတ်ခဲ့တဲ့အတွက်ပါ။ Scar က Mufasa ကို ချောက်ထဲတွန်းချလိုက်တဲ့အခန်းက နှစ်ပေါင်း ၂၀ ကျော်ကြာပြီးသွားတာတောင် မျက်စိထဲမှာ မြင်ယောင်နေဆဲပါ။ ဒါကြောင့် ဒီတစ်သက်မှာတော့ Scar နဲ့ပတ်သက်ပြီး ဘယ်လိုမှ အကောင်းဖက်ကနေ ခံစားပေးလို့ရမှာမဟုတ်ဘူးလို့ ထင်ထားခဲ့တာ ဒီနေ့မှာတော့ မှားမှန်းသိသွားခဲ့ရပါတယ်။

Read More

2017 မှာ Golden Globes ဆုကို မျှော်လင့်ထားတဲ့ The Greatest Showman

2017 အတွက် Musical drama ဇာတ်ကားအဖြစ် ဝင်ရောက်လာတော့မယ့် ရုပ်ရှင်ကတော့ The Greatest Showman ဘဲဖြစ်ပါတယ်။ 75th Golden Globes Award ရဲ့ ဆန်ကာတင်ရုပ်ရှင်ကားတစ်ကားဖြစ်ပြီး Best Motion Picture – Musical or Comedy, Best Actor – Comedy or Musical (Jackman) and Best Original Song(“This is Me”) ဆိုတဲ့ ဆု ၃ဆုကို ရွေးချယ်ခံဖို့ စာရင်းထဲမှာလည်း ပါဝင်နေပါတယ်။ ဇာတ်ကားကို ရိုက်ကူးတဲ့ ဒါရိုက်တာကတော့ oscar ဆုရရှိထားသော La La Land ကိုရိုက်ကူးတဲ့ Damien Chazelle ရိုက်ကူးထားတာဖြစ်ပါတယ်။

Ringling Bros. and Barnum & Bailey Circus ရဲ့ ပိုင်ရှင် P. T. Barnum ရဲ့ အကြောင်းကို ဇာတ်ကားတစ်ကားအဖြစ် Musical drama အနေနဲ့ ဖန်တီးထားတဲ့ ရုပ်ရှင်ဖြစ်ပြီး ဇာတ်ကားရဲ့ ဇာတ်ဝင်သီချင်းတွေကိုတော့ Pasek and Paul ကရေးသားပေးထားတာဖြစ်ပြီး La La Land ဇာတ်ဝင်တေးလို အောင်မြင်ဖို့လည်း မျှော်လင့်ထားကြပါတယ်။ ဒီရုပ်ရှင်ကိုလည်း 2017 ထဲမှာဘဲ ရုံတင်ပြသပေးမှာဖြစ်လို့ အားလုံးကတော့ La La Land လိုဘဲ မျက်ရည်ကျရအောင်ကောင်းအုံးမယ်ဆိုတာကို ယုံကြည်ရင်း စောင့်မျှော်နေကြပါတယ်…..

Image Source : https://www.facebook.com/pg/GreatestShowman

ပရိသတ်တွေကို တွေးစရာလေးတွေချန်ပေးခဲ့တဲ့ Mamma Mia 2: Here We Go Again ရဲ့ Trailer

၂၀၀၈ ခုနှစ်တုန်းက box office မှာ ဒေါ်လာ ၆၀၉ သန်းနဲ့အောင်ပွဲခံသွားခဲ့တဲ့ musical ဇာတ်ကား Mamma Mia ရဲ့အဆက်ဖြစ်တဲ့ Mamma Mia 2 ရဲ့ Trailer ထွက်ရှိလို့လာပါပြီ။ Mamma Mia 2: Here We Go Again လို့အမည်ရတဲ့ဒီဇာတ်ကားဟာ ပထမကားရဲ့ prequel-sequel ပုံစံမျိုးဖြစ်ပါတယ်။ ဘာကြောင့်လည်းဆိုတော့ ဒီဇာတ်ကားမှာ Mamma Mia ရဲ့အဓိကဇာတ်ကောင်တစ်ယောက်ဖြစ်တဲ့ Donna Sheridan ရဲ့ငယ်စဉ်ဘဝကိုပြောပြသွားမှာဖြစ်တဲ့အတွက်ပါ။

ဒီဇာတ်ကားမှာ Donna ရဲ့ သမီးဖြစ်တဲ့ Sophie (Amanda Seyfried) ဟာ ကိုယ်ဝန်ရှိနေပြီဖြစ်ပြီး ဒီရင်သွေးကို single mom အနေနဲ့ဘယ်လိုပြုစုပျိုးထောင်ရမယ်ဆိုတာကိုတွေးပြီး အားငယ်နေရှာပါတယ်။ အဲဒါကြောင့် Sophie ကိုအားပေးတဲ့အနေနဲ့ Donna ရဲ့ band အဖွဲ့သားတွေဖြစ်တဲ့ Tanya Chesham-Leigh (Christine Baranski) နဲ့ Rosie Mulligan (Julie Walters) တို့က Donna ဟာ သူမကို ဘယ်လိုပြုစုပျိုးထောင်ခဲ့တယ်ဆိုတာကို နောက်ကြောင်းပြန် ပြန်ပြောပြကြတဲ့ပုံစံနဲ့ ဇာတ်အိမ်တည်ထားပါတယ်။

Trailer ကတော့ အားလုံးရဲ့ favorite ABBA သီချင်းတွေနဲ့ မြူးမြူးကြွကြွပါပဲ။ Cast တွေအားလုံးကလဲ ပထမဇာတ်ကားထဲကလူတွေကပဲ ပြန်လည်သရုပ်ဆောင်ထားကြတာမို့ မနှစ်သက်စရာအကြောင်းမရှိပါဘူး။ ဒါပေမယ့် Rosie ရဲ့ “Your mother was the bravest person we ever met” ဆိုတဲ့စကားဟာ Donna ကဒီဇာတ်ကားမှာသေသွားပြီလားလို့ တွေးစရာဖြစ်သွားပါတယ်။ အဲဒီတော့ Donna ကိုကြိုက်တဲ့ပရိသတ်တွေက ဒီ trailer ကိုကြည့်ပြီး Donna ဘာဖြစ်သွားတာလဲ၊ တကယ်သေသွားပြီလားဆိုတဲ့မေးခွန်းကို တွင်တွင်ကြီးမေးနေကြပါတယ်။

Donna တကယ်သေသွားသလား၊ ဒါမှမဟုတ် ဒါရိုက်တာကပဲ တမင်လှည့်ကွက်လုပ်ပြီး trailer ထဲကချန်ထားခဲ့တာလားဆိုတာကို ဒီဇာတ်ကားရုံတင်မယ့် ၂၀၁၈ ဇူလိုင် ၂၇ ကျရင်သိရှိရမှာပါ။