Transporter မင်းသားကြီး Jason Statham ဦးဆောင်ပါဝင်ထားတဲ့ ‘The Meg’ ရဲ့ First Trailer

the-meg

ငါးမန်းထက်ကြောက်ဖို့ကောင်းတဲ့အကောင်ကို သိပါသလား… အဖြေမှန်ကတော့ ဧရာမ ငါးမန်းပါ။ သာမန်အရွယ်ငါးမန်းတောင်မှ ဆူးတောင်မြင်တာနဲ့ အသည်းတွေယားနေရတာ သင်္ဘောတစ်စီးစာလောက်ကြီးတဲ့ ငါးမန်းဆိုရင်တော့ အတိုင်းထက်အလွန်ပါပဲ။

 

ကဲကဲ.. Topic ဖက်ပြန်သွားရအောင်။ တစ်ချိန်ကခေတ်စားခဲ့တဲ့ ငါးမန်းကားတွေ အရှိန်သေသွားတာ တော်တော်ကြာပါပြီ။ ကြိုကြားကြိုကြား တစ်ကားတစ်လေတွေ့ရပေမယ့် ကောင်းတဲ့ကားက လက်တစ်ဆုပ်စာလောက်ပဲရှိပါတယ်။ ကျန်တာတွေက B Movie ကားတွေဖြစ်ပြီးတော့ အဲဒီ B Movie ဇာတ်ကားတွေကြည့်ရတာ ဘယ်လိုမှ အာသာမပြေပါဘူး။ အခုတော့ တကယ့်ဒိတ်ဒိတ်ကြဲ မင်းသားမင်းသမီးတွေနဲ့ ဘတ်ဂျတ်ကို ရေလိုသုံးထားတဲ့ Blockbuster ငါးမန်းကားတစ်ကားလာပါပြီ။

Read More

‘Ready Player One’ အလွန် ‘Ready Player Two’ နဲ့ ‘Ready Player Three’

READY PLAYER ONE

ယခုလက်ရှိ ရုံတင်နေတဲ့ Ready Player One ဇာတ်ကားရဲ့ ကလောင်ရှင် Ernest Cline ဟာ နောက်ဆက်တွဲဇာတ်လမ်းတွေဖြစ်မယ့် Ready Player Two နဲ့ Ready Player Three တို့နဲ့ပတ်သက်တဲ့အကြောင်းတွေကို Collider နဲ့ပြုလုပ်ခဲ့တဲ့ အင်တာဗျူးတစ်ခုမှာ ထုတ်ဖော်ဆွေးနွေးခဲ့ပါတယ်။ Ernest Cline ဟာ သူ့ရဲ့ Ready Player One (2011) ဝတ္ထုရဲ့ နောက်ဆက်တွဲဇာတ်လမ်းကို စတင်ရေးသားနေပြီဆိုတဲ့အကြောင်းက ၂၀၁၅ ခုနှစ်ကတည်းက ရိုးတိုးရိတ်တိတ် သတင်းထွက်နေခဲ့တာပါ။ အဲဒီအကြောင်းကို ၂၀၁၇ ဒီဇင်ဘာမှာ သူကိုယ်တိုင် အတည်ပြုပြောကြားခဲ့ပြီး ပြီးခဲ့တဲ့ရက်ပိုင်းကပြုလုပ်ခဲ့တဲ့ အဆိုပါအင်တာဗျူးမှာ ရုပ်ရှင်အကြောင်းပြောဆိုရင်းနဲ့ Sequel တွေအကြောင်းကိုပါ ထပ်မံပြောကြားသွားခဲ့တာဖြစ်ပါတယ်။
Read More

Avengers: Infinity War ပြသရက်အရှေ့တိုး

Avengers: Infinity War ကိုစောင့်မျှော်နေကြတဲ့ Marvel ပရိသတ်တွေ ဝမ်းသာလိုက်လို့ရပါပြီ။ နဂိုက မေလ ၄ ရက်နေ့မှာ Global Release လုပ်ဖို့စီစဉ်ထားတဲ့ ဒီဇာတ်ကားကို အခုအခါမှာတော့ တစ်ပတ်ရှေ့တိုးပြီး ဧပြီလ ၂၇ ရက်နေ့မှာ ပြသသွားတော့မှာဖြစ်ပါတယ်။

 

ဒီအကြောင်းကို Official Statement တွေဘာညာနဲ့ကြေညာခဲ့တာတောင်မဟုတ်ပါဘူး။ Marvel Studios နဲ့ Iron Man သရုပ်ဆောင် Robert Downey Jr. တို့ Twitter ပေါ်မှာ အပြန်အလှန်စကားပြောပုံနဲ့ ပြသရက်ရှေ့တိုးတဲ့အကြောင်းကို ထုတ်ဖော်ပြောကြားသွားခဲ့တာဖြစ်ပါတယ်။ အဲဒီ conversation လေးကိုကြည့်လိုက်ကြပါဦး.. သဘောကျစရာလေးပါ။ 🤣

Read More

Marvel က သူ့ရဲ့ Infinity War Promo Art အသစ်နဲ့ Soul Stone ပိုင်ဆိုင်သူကို Spoil လိုက်ပြီလား

avengers-infinity-war_infinity_stone

ထွက်ရှိဖို့ ၁ လကျော်ကျော်လေးပဲလိုတော့တာဆိုတော့ Marvel က သူ့ရဲ့ Avengers: Infinity War ကို အမှန်အကန် promote စလုပ်နေပါပြီ။ မနေ့ကထုတ်ပြန်ခဲ့တဲ့ poster အသစ်ဟာဆိုရင်လည်း Marvel ရဲ့ promotion ခြေလှမ်းတွေထဲက တစ်ခုအပါအဝင်ဖြစ်ပါတယ်။ ဒီနေရာမှာ promotion poster အကြောင်း ဘာလို့အထူးတလည်ပြောနေရတာလဲလို့ မေးချင်စရာရှိပါတယ်။ အကြောင်းကတော့ ခေါင်းစဉ်မှာပြောထားသလိုပါပဲ.. အဲဒီ poster မှာ ယခုအချိန်အထိ ထုတ်ဖော်ပြောကြားခြင်းမရှိသေးတဲ့ Soul Stone ပိုင်ဆိုင်သူနဲ့ဆက်စပ်တယ်လို့ ယူဆလို့ရတဲ့ သဲလွန်စတစ်ခု ပါဝင်လာတဲ့အတွက်ဖြစ်ပါတယ်။

 

Marvel Cinematic Universe (MCU) တစ်ခုလုံးက Infinity Stones တွေပေါ်မှာ အခြေခံထားတာပါ။ Infinity Stones က စုစုပေါင်း ၆ လုံးရှိတာဖြစ်ပြီးတော့ လောလောဆယ်အချိန်အထိ ထုတ်ဖော်ပြသပြီးတာ ၅ လုံးပဲရှိပါသေးတယ်။ Read More

Black Panther ရဲ့ 100% Rotten Tomatoes ရမှတ် RIP သွားရှာပြီ

အရမ်းဝမ်းမနည်းသွားပါနဲ့ဦး.. ကျန်တဲ့ ၉၉% သော review တွေက အကုန်ကောင်းပါတယ်။

 

ဖြစ်ပုံကဒီလိုပါ.. ဖေဖော်ဝါရီ ၁၆ ရက်နေ့စတင်ပြသမယ့် Black Panther ရုပ်ရှင်ဟာ လောလောဆယ်အချိန်မှာ press media တွေအတွက် ပြသပြီးသွားပါပြီ။ အဲဒီတော့ ထုံးစံအတိုင်း critic တွေက Rotten Tomatoes မှာ rating တွေ ကိုယ်စီကိုယ်စီသွားပေးကြပါတယ်။ အဲဒီမှာ ၇၄ ခုမြောက် review အထိ ၁၀၀% ‘Fresh’ rating ရပြီး ပွဲခံနေတုန်းမှာ သကောင့်သားတစ်ကောင်က ‘Rotten’ rating တစ်ခုလာပေးလိုက်တော့ သွားရှာပါလေရော ၁၀၀% rating အိပ်မက်က။ အဲဒါကြောင့် လောလောဆယ်ဒီဆောင်းပါးရေးနေချိန်မှာဆိုရင် review ပေါင်း ၇၇ ခုမှာ ၇၆ ခု ‘Fresh’ – ၁ ခု ‘Rotten’ နဲ့ ၉၉% ဖြစ်သွားရပြီဖြစ်ပါတယ်။

 

ဒါပေမယ့် ဒါရိုက်တာ Ryan Coogler ရဲ့ Black Panther ဟာ RT rating ၁၀၀% မဖြစ်နိုင်တော့တာကလွဲပြီး ကျန်တာတွေအကုန်လုံးရှယ်ပါပဲ။ ကျန်တဲ့ ၇၆ ခုသော reiew တွေက ဒီကားကို အမှန်အကန်ချီးကျူးထားကြပါတယ်။

 

Critic တစ်ယောက်ကတော့ Black Panther ကို MCU ထဲမှာအကောင်းဆုံးဇာတ်ကားလို့ပါ ချီးမွမ်းထားပါတယ်။

 

Black Panther has surpassed Iron Man as the best film of the MCU.We Live Entertainment

 

Black Panther ကိုနောက်ထပ် critic တွေသဘောကျရတဲ့အကြောင်းရင်းက superhero တွေ ပလိန်းကြီးဗျင်းနေရုံနဲ့ပြီးသွားတာမျိုးမဟုတ်ပဲ နိုင်ငံရေးတွေနဲ့ပါ ခိုင်ခိုင်လုံလုံ တည်ဆောက်ထားတဲ့ဇာတ်အိမ်၊ ကလေးကစားသလိုမျိုး ကမ္ဘာကြီးကို အလွတ်ကြီးဝင်သိမ်းတာမျိုးမဟုတ်ပဲ ပီပြင်တဲ့ motive ရှိတဲ့ villain ၊ ဇာတ်ကောင်တစ်ယောက်ချင်းစီကြားက relationship တွေကို ပီပီပြင်ပြင် တည်ဆောက်ပြနိုင်တာ၊ ဇာတ်ပို့တွေကို သူ့နေရာနဲ့သူ နေရာပေးပြီး အကောင်းဆုံးအသုံးချနိုင်တာ စတဲ့အချက်တွေပဲဖြစ်ပါတယ်။

 

The Black Panther is not only one of the most entertaining recent superhero films but has an intelligence and a political dimension that such inchoate offerings as Suicide Squad and Justice League completely lacked.Independent UK

The intriguing thing about Black Panther is that it doesn’t look like a superhero film – more a wide-eyed fantasy romance: exciting, subversive and funny.The Guardian

 

Critic အားလုံးတညီတညွတ်တည်း ချီးကျူးကြတာကတော့ တခြား MUC ဇာတ်ကားတွေရဲ့ပုံစံခွက်ထဲကနေ ခွဲထွက်ထားတဲ့အချက်ပဲဖြစ်ပါတယ်။ Digital Spy ကဆိုရင် Black Panther ဒီလောက်ကောင်းရတာက တခြား Marvel ရုပ်ရှင်တွေနဲ့မတူလို့ဖြစ်တယ်လို့တောင် မှတ်ချက်ပေးထားပါတယ်။

 

Ryan Coogler’s superhero adventure was bound to be a landmark in movie-making. And we’re pleased to say it’s a great new addition to the MCU too – although it’s probably at its best when it feels least like a Marvel film.Digital Spy

Rarely has a superhero origin story been as satisfying as Black Panther, which in many ways doesn’t feel like a typical Marvel movie – and more power to that.The Star

“Black Panther” celebrates its hero’s heritage while delivering one of Marvel’s most all-around appealing standalone installments to date.Variety

 

Review တွေကိုဖတ်ကြည့်ပြီး လူကတော့ တော်တော် hype သွားပါပြီ။ နဂိုကတည်းက ကြည့်မယ်လို့ဆုံးဖြတ်ထားတာမှန်ပေမယ့် အခုတော့ ဒီကရုပ်ရှင်ရုံတွေရဲ့ page တွေကို အားတိုင်းဝင်ကြည့်ပြီး ရုံတင်မယ့်ရက်ကို စောင့်နေတဲ့အဆင့်ကို ရောက်သွားပြီဖြစ်ပါတယ်။ ဖြစ်နိုင်ရင် Rotten Tomatoes ရမှတ် ၁၀၀% ရစေခဲ့ချင်ပေမယ့် ဇာတ်ကားကောင်းသရွေ့ အဲဒါကသိပ်အရေးမကြီးလှပါဘူး။

‘Solo: A Star Wars Story’ ရဲ့ ပထမဦးဆုံး Trailer

ကျွန်တော်တို့ မနေ့တုန်းက Super Bowl မှာပြသသွားတဲ့ Han Solo ရုပ်ရှင်ရဲ့ teaser ကိုကြည့်ခဲ့ရပြီးပါပြီ။ Teaser ဆိုတဲ့အတိုင်း ဘာမှရေရေရာရာ မပါဝင်ခဲ့ပါဘူး။ ဒါပေမယ့် ဒီနေ့မှာတော့ ကတိပေးထားတဲ့အတိုင်း Disney က ဒီရုပ်ရှင်ရဲ့ ပထမဦးဆုံး trailer ကို ချပြလိုက်ပြီပဲဖြစ်ပါတယ်။

 

ဒီ trailer ထဲမှာ Alden Ehrenreich ရဲ့ Han Solo ကို ပီပီပြင်ပြင် မြင်တွေ့ရမှာပါ။ Trailer စစချင်းမှာ Han Solo က သူဟာ အသက် ၁၀ နှစ်အရွယ်ကတည်းက လမ်းပေါ်မှာ လိမ်ညာစားသောက်လာတယ်ဆိုတာကို မြို့ထဲလမ်းကြိုလမ်းကြားမှာ high-speed chase လုပ်နေရင်း ရှင်းပြနေတာကို ကြည့်ရမှာပါ။ ပြီးတော့ သူဟာ Flight Academy ကနေ ကိုယ်ပိုင်စိတ်ကူးဉာဏ်တွေရှိတဲ့အတွက် ကန်ထုတ်ခြင်းခံလိုက်ရတယ်ဆိုတာကိုလည်း မကျေမနပ်နဲ့ ရေရွတ်နေပါသေးတယ်။ အဲဒီနောက်မှာတော့ teaser ထဲမှာမြင်ခဲ့ရတဲ့ “Galaxy တစ်ခုလုံးရဲ့ အကောင်းဆုံး Pilot တစ်ယောက်ဖြစ်အောင်ကြိုးစားမယ်” ဆိုတဲ့ သူ့ရည်မှန်းချက်ကို ထပ်မံပြောဆိုသွားပါတယ်။

 

ပြီးတော့ ဒီ trailer ထဲမှာ Emilia Clarke (Game of Thrones) ရဲ့ Qi’ra ကို အလန်းစားဝတ်စုံနဲ့ Millennium Falcon ထဲကနေဆင်းလာတာကို မြင်ရဦးမှာပါ။ Trailer ထဲမှာပါဝင်တဲ့ စကားပြောခန်းတွေအရဆိုရင် Qi’ra ဟာ Han Solo ကို ငယ်စဉ်ဘဝကတည်းက သိကျွမ်းသူတစ်ယောက်ဖြစ်နိုင်ပါတယ်။ ဘာကြောင့်လည်းဆိုတော့ သူမဟာ Han Solo ကဘယ်လိုလူမျိုးဆိုတာကိုသိတဲ့ တစ်ဦးတည်းသောသူဖြစ်တယ်လို့ ပြောကြားသွားလို့ပါ။

 

အဲဒီနောက်မှာတော့ Millennium Falcon အဖွဲ့သားတွေကို တစ်ယောက်ချင်းပြသသွားပါတယ်။ ပထမဦးဆုံးအနေနဲ့ Han Solo ရဲ့ဆရာ Beckett (Woody Harrelson) ရဲ့ crew တွေလိုက်လံစုဆောင်းနေပုံကို မြင်တွေ့ရမှာပါ။ ပြီးတော့ The Empires Strikes Back နဲ့ Return of the Jedi မှာပါဝင်ခဲ့တဲ့ Han ရဲ့ သူငယ်ချင်း Lando Calrissian (Donald Glover) ကိုလည်း နုနုပျိုပျိုနဲ့ မြင်တွေ့ရဦးမှာဖြစ်ပါတယ်။ အဲဒီနောက်မှာတော့ မင်းသမီး Thandie Newton ရဲ့ Val လို့အမည်ရတဲ့ဇာတ်ကောင်ကို blaster ကြီးကိုင်ထားတာ မြင်တွေ့ရမှာပါ။ ဒီဇာတ်ကားထဲက Millennium Falcon ရဲ့ co-pilot အဖြစ် L3-37 လို့အမည်ရတဲ့ စက်ရုပ်ကတာဝန်ယူမှာဖြစ်ပြီး Phoebe Waller-Bridge က သရုပ်ဆောင်ထားတာဖြစ်ပါတယ်။ Fan တွေကတော့ L3-37 ဟာ Rogue One ထဲက K-2SO လိုမျိုး comic relief တွေပေးမယ်လို့ ယူဆနေကြပါတယ်။

 

Trailer ရဲ့အဆုံးမှာမြင်တွေ့ရတဲ့ Han တို့စီးနင်းလာတဲ့ Millennium Falcon ကို Star Destroyer နဲ့ TIE Fighter တွေကလိုက်နေချိန်မှာ မြူတွေကြားထဲကနေ tentacle တွေနဲ့ ဧရာမအကောင်ကြီးက တိုက်ခိုက်လာတဲ့အခန်းကတော့ ရုပ်ရှင်ရုံမှာကြည့်လိုက်ရရင် ရှယ်ပဲနေမှာပါ။ ဒါ့အပြင် Clarke တစ်ယောက် နဂါးတွေဓားတွေနဲ့စစ်တိုက်နေရာကနေ လေဆာသေနတ်နဲ့ အာကာသယာဉ်တွေစီးပြီး ဘယ်လိုတိုက်ခိုက်မယ်ဆိုတာကိုလည်း စိတ်ဝင်စားမိတာ အမှန်ပါပဲ။

 

ဒါရိုက်တာအပြောင်းအလဲပြဿနာတွေ ရှိခဲ့ပေမယ့် trailer မှာမြင်ရသလောက်ဆိုရင်တော့ ဒီ Han Solo ရုပ်ရှင်က fan တွေကိုစိတ်ကျေနပ်မှုပေးနိုင်မယ့်ပုံပါပဲ။ ကျွန်တော်ရဲ့မသိစိတ်ထဲကနေတော့ Rogue One တုန်းကလိုမျိုး Pleasant Surprise လေးကိုမျှော်လင့်နေမိပါတယ်။ မျှော်လင့်ထားသလို ဖြစ်လာမလားဆိုတာကိုတော့ မေလ ၂၅ ရက်နေ့ကျရင် ပိတ်ကားပေါ်မှာ အဖြေရှာလို့ရတော့မှာဖြစ်ပါတယ်။

 

မကြာမီထွက်မယ့် ‘Black Panther’ ရုပ်ရှင်ရဲ့ Rotten Tomatoes ရမှတ်ကို လျှော့နည်းအောင်ကြံဆောင်တဲ့ Group ကို Facebook ကဖျက်သိမ်း

ငါးခုံးမတစ်ကောင်ကြောင့် တစ်လှေလုံးပုပ်ရတော့မယ့်အဖြစ်ပါ။ ဖြစ်ပုံကဒီလိုပါ…

 

ဖေဖော်ဝါရီ ၁ ရက်နေ့တုန်းက Marvel Studio News ရဲ့ ထုတ်ပြန်ချက်အရဆိုရင် Marvel ရဲ့မကြာမီထွက်ရှိတော့မယ့် Black Panther ရုပ်ရှင်ကို Review Rating website တစ်ခုဖြစ်တဲ့ Rotten Tomatoes မှာ Bad Review တွေပေးဖို့ကြံစည်ခဲ့ကြတဲ့ DC fan တွေရဲ့ Group ကို Facebook ကနေ ဖျက်သိမ်းလိုက်တယ်ဆိုတာပါပဲ။

 

Down With Disney’s Treatment of Franchises and its Fanboys” လို့အမည်ရတဲ့အဆိုပါအဖွဲ့ဟာ Black Panther ရုပ်ရှင်ကို rating နိမ့်နိမ့်ပဲပေးဖို့ event တစ်ခုဖန်တီးခဲ့ပါတယ်။ အဆိုပါအဖွဲ့ရဲ့အဆိုအရဆိုရင် DCEU ရဲ့ရုပ်ရှင်တွေ rating နည်းရတာဟာ Disney ရဲ့စနက်မကင်းတာကြောင့် လက်စက်ပြန်ချေခြင်းဖြစ်တယ်လို့ သိရပါတယ်။ Star Wars: The Last Jedi ရဲ့ Audience Rating နည်းရတာကလည်း သူတို့လက်ချက်ဖြစ်တယ်လို့ ကြေညာထားပါသေးတယ်။ Black Panther ပြီးနောက် Infinity War နဲ့ Netflix Show တွေကိုပါ အဲဒီလိုဆက်လုပ်သွားဦးမှာလို့ ပြောကြားထားပါတယ်။ စာကြွင်းအနေနဲ့ အဲဒီ event ကနေတစ်ဆင့် Marvel fan တွေကို ရုပ်ရှင် spoiler တွေဖြန့်ချိဖို့လုပ်ဆောင်မယ်လို့လည်း ဖော်ပြထားပါသေးတယ်။

 

Facebook ကတော့ ဒါဟာ သူတို့ရဲ့ community standards နဲ့မကိုက်ညီတဲ့အတွက် ဒီ group ကို ဖျက်သိမ်းရတာပါလို့ ပြောကြားထားပါတယ်။ သူတို့အနေနဲ့ Facebook ကို လူတွေအမြင်ဖလှယ်တဲ့ နေရာတစ်ခုဖြစ်စေချင်ပြီး hate speech တွေ၊ bully လုပ်တာတွေကို သည်းခံသွားမှာမဟုတ်ဖူးလို့ ဆိုထားပါတယ်။

 

Rotten Tomatoes ကလည်း သူတို့ဟာ ရုပ်ရှင်ချစ်ပရိသတ်တွေရဲ့ ကွဲပြားတဲ့အမြင်တွေကို တန်ဖိုးထားပေမယ့် သူတစ်ပါးပျက်စီးရာပျက်စီးကြောင်း ရည်ရွယ်တဲ့ hate speech တွေကိုတော့ လုံးဝသည်းခံသွားမှာမဟုတ်ဘူးလို့ ဆိုထားပါတယ်။ သူတို့အနေနဲ့ ဒီလိုမျိုးပြုလုပ်မယ့် user တွေကို သူ့ရဲ့ website ကနေပိတ်ပင်သွားမှာဖြစ်ပြီး သူတို့တွေရေးသားသွားတဲ့ comment တွေကိုလည်း အမြန်ဆုံး ဖျက်သွားမှာဖြစ်တယ်လို့ ပြောကြားထားပါတယ်။

 

We at Rotten Tomatoes are proud to have become a platform for passionate fans to debate and discuss entertainment and we take that responsibility seriously. While we respect our fans’ diverse opinions, we do not condone hate speech. Our team of security, network and social experts continue to closely monitor our platforms and any users who engage in such activities will be blocked from our site and their comments removed as quickly as possible.

 

Review Rating တွေဟာ ဇာတ်ကားတစ်ခုရဲ့ဝင်ငွေအပေါ် အနည်းနဲ့အများသက်ရောက်မှုရှိတယ်ဆိုတာကတော့ အမှန်ပါပဲ။ သူဟာသူမကောင်းလို့ rating အညံ့တွေရတာပြဿနာမရှိပေမယ့် ပုဂ္ဂိုလ်စွဲကြောင့် တမင်လုပ်ကြံတာကတော့ ကိုယ်ကျင့်တရားမကောင်းတာဖြစ်သွားပါပြီ။ DC ချစ်သူတိုင်းက ဒီလိုမျိုးမဟုတ်ပေမယ့် ဒီလိုလူတစ်စုကြောင့် DC fan တွေ နေရင်းထိုင်ရင်း နာမည်ထိခိုက်သွားရတာတော့ အမှန်ပါပဲ။

Ref: (1), (2)

အမှန်အကန်လန်းတဲ့ ‘Ant-Man and The Wasp’ Trailer

Holy Moly, that was awesome!

 

Ant-Man and The Wasp ဟာ ဒီနှစ်အတွင်းထွက်ရှိမယ့်ဇာတ်ကားတွေထဲက အမှန်အကန်စောင့်မျှော်နေရတဲ့ဇာတ်ကားတစ်ခုဆိုရင် မမှားပါဘူး။ အခုတော့ ဒီကားရဲ့ပထမဦးဆုံး Trailer ထွက်ရှိလာပြီဖြစ်ပြီး စောင့်မျှော်ရကျိုးနပ်လောက်အောင် အမှန်အကန်လန်းပါတယ်။ တစ်ချက်ကြည့်လိုက်ကြပါဦး..

 

 

ဒီ Trailer အရဆိုရင် Ant-Man and The Wasp ဟာ Marvel Superhero ဇာတ်ကားတွေရဲ့ထုံးစံအတိုင်း ဟာသနဲ့အက်ရှင်ကိုရောထားတဲ့ပုံစံမျိုးလေးပါ။ Trailer ထဲမှာပါဝင်တဲ့အချို့အခန်းလေးတွေဆိုရင် ပထမ Ant-Man ဇာတ်ကားကိုတောင် ပြန်လည်သတိရမိသွားစေပါတယ်။ အဲဒီလိုဖြစ်အောင်ရိုက်ကူးပြနိုင်တဲ့ ဒါရိုက်တာ Peyton Reed ကိုချီးကျူးရမှာပဲဖြစ်ပါတယ်။

 

Trailer ထဲက Wasp တစ်ယောက် ရန်သူကပစ်လိုက်တဲ့ဓားပေါ်မှာ ပြေးသွားတာ၊ Hank Pym က သူတို့စခန်းချနေထိုင်တဲ့တိုက်တစ်ခုလုံးကို ခရီးဆောင်သေတ္တာအရွယ် ချုံ့ပလိုက်တဲ့အခန်းတွေကတော့ စိတ်ထဲမှတ်မှတ်ရရကျန်ခဲ့တာလေးတွေပါ။ နောက်ပြီးတော့ Hello Kitty ခွက်သေးသေးလေးကို ဧရာမကြီးချဲ့လိုက်ပြီး ရန်သူ့ဆီကိုပစ်လိုက်တဲ့အခန်းမှာ အဲ့ scene ထဲမှာပါဝင်တဲ့အရာတွေရဲ့ contrast ကွာပုံကိုတွေးမိပြီး ခပ်ဟဟလေး ရယ်မိသွားစေခဲ့ပါတယ်။

 

ဒါ့အပြင် MCU ပရိသတ်တွေအတွက် တွေးစရာလေးတွေလည်းပါဝင်ပါသေးတယ်။ Trailer စစချင်းမှာ Ant-Man က Wasp ကို “တကယ်လို့ Cap ကသာ အကူအညီတောင်းခဲ့မယ်ဆိုရင် မင်းလာကူညီမှာလား” လို့မေးတာကိုတွေ့ရမှာပါ။ အဲဒါဟာ Captain America: Civil War တုန်းက Captain America က Ant-Man ကိုအကူအညီလာတောင်းတဲ့အပိုင်းကိုရည်ညွှန်းတာဖြစ်ပါတယ်။ အဲဒါကို Wasp က “မပြောတတ်ဖူးလေ” လို့အဓိပ္ပာယ်ရတဲ့အဖြေပြန်ပေးခဲ့ပါတယ်။ အဲဒါကဘာကိုဆိုလိုတာလည်း.. Civil War မှာ The Wasp ပါဝင်နိုင်ခြေရှိခဲ့တာလား.. စဉ်းစားစရာလေးပါပဲ။

 

Ant-Man and The Wasp ကို ဇူလိုင် ၆ ရက်နေ့ကျရင် စတင်ပြသသွားမှာဖြစ်ပါတယ်။

‘The Last Jedi’ ဝတ္ထုထဲမှာ ရုပ်ရှင်မှာမပါတဲ့အခန်းတွေပါဝင်မည်

Star Wars Episode 9 ထွက်မယ့် ၂၀၁၉ ခုနှစ်က အဝေးကြီးလိုပါသေးတယ်။ ဒီကြားထဲမှာ Star Wars နဲ့ပတ်သက်ပြီးတစ်ခုခု ကြည့်ရှုချင် ဖတ်ချင်သူတွေအတွက် သတင်းကောင်းလေးလာပါပြီ။ လာမယ့် မတ်လ ၆ ရက်နေ့မှာထုတ်ဝေမယ့် Star Wars: The Last Jedi ဝတ္ထုမှာ ရုပ်ရှင်ထဲကနေဖယ်ထုတ်ထားတဲ့အပိုင်းတွေ၊ အသစ်စက်စက်ထပ်ထည့်ထားတဲ့ဇာတ်လမ်းတွေ စတာတွေပါဝင်လာမှာဖြစ်ပါတယ်။

 

ဒီစာအုပ်ကို The Last Jedi ရဲ့ဖန်တီးရှင် ဒါရိုက်တာ Rian Johnson နဲ့ Star Wars ပရိသတ်တစ်ဖြစ်လဲ စာရေးဆရာ Jason Fry တို့က လက်တွဲပြီးဖန်တီးထားကြတာဖြစ်ပါတယ်။ Fry က သူတို့နှစ်ယောက် ဒီစာအုပ်ကိုဖန်တီးတာနဲ့ပတ်သက်ပြီး စကားအများကြီးပြောဖြစ်ခဲ့ကြပြီး ဇာတ်ကွက်အသစ်တွေအများကြီးဖန်တီးနိုင်ခဲ့ကြတယ်လို့ဆိုပါတယ်။ ဒီစာအုပ်မှာ Han Solo ကိုသင်္ဂြိဟ်တဲ့အခန်း၊ Rose နဲ့ Paige Tico တို့ညီအစ်မနှစ်ယောက်အကြောင်း၊ Canto Bight မြို့အကြောင်းအသေးစိတ် စတာတွေအပါအဝင် အခြားဇာတ်ကွက်အသစ်တွေ အများကြီးပါဝင်မယ်လို့ဆိုပါတယ်။

 

ရုပ်ရှင်ထဲမှာတုန်းက Canto Bight အခန်းဟာ ဘာမှရေရေရာရာမပြသသွားပဲ ပြီးသွားခဲ့ပါတယ်။ Canto Bight ဆိုတာကို Casino တွေအများကြီးရှိတဲ့မြို့ဆိုတာလောက်ကိုပဲ သိရှိခဲ့ရပြီး ဇာတ်လမ်းတည်ဆောက်ရာမှာအထောက်အကူမဖြစ်သလောက်ဖြစ်တဲ့အတွက် ရုပ်ရှင်တစ်ကားလုံးရဲ့အညံ့ဆုံးအပိုင်းလို့တောင်ပြောလို့ရပါတယ်။ ဒါပေမယ့် အခုလာမယ့်စာအုပ်မှာ ဒီနေရာအကြောင်းကိုအသေးစိတ်ရှင်းပြထားမယ်ဆိုတော့ ရုပ်ရှင်ကြည့်တုန်းကဟာတာတာဖြစ်နေတာလေးကိုဖြည့်ပေးနိုင်မယ့်အတွက် စိတ်ကျေနပ်စရာပါပဲ။ Rose နဲ့ Paige ညီအစ်မနှစ်ယောက်အကြောင်းကိုတော့ personally အရသိပ်စိတ်မဝင်စားပေမယ့် Han Solo ကို သင်္ဂြုဟ်တဲ့အခန်းကိုတော့ တော်တော်လေးသိချင်မိပါတယ်.. ဘယ်နေရာမှာ မြှုပ်နှံမှာလဲ.. သင်္ဂြုဟ်တာကို ဘယ်သူတွေလာကြမှာလဲ.. Kylo Ren ကရောအဲဒီအကြောင်းသိရဲ့လား.. ခေါင်းထဲမှာပေါ်လာတဲ့မေးခွန်းတွေကတော့ အများကြီးပါပဲ။

 

ဒီစာအုပ်နဲ့ပတ်သက်တဲ့အကြောင်းတွေကို The Star Wars Show အစီအစဉ်ကနေတစ်ဆင့် ထုတ်ဖော်ပြောကြားသွားခဲ့တာဖြစ်ပြီး Rian Johnson နဲ့ Jason Fry တို့ပြောကြားခဲ့တာတွေအသေးစိတ်ကို အောက်ကဗီဒီယိုမှာကြည့်ရှုနားဆင်နိုင်ပါတယ်။

 

‘Pacific Rim Uprising’ ရဲ့ ဒုတိယမြောက် Trailer ထွက်ပြီ

အသက်ကြီးပြီး ကလေးစိတ်နဲ့လို့ပြောချင်ပြောပါ.. စက်ရုပ်အကြီးကြီးတွေပါမယ်ဆိုရင် လူကအော်တိုစိတ်ဝင်စားပြီးသားဖြစ်ပါတယ်။ ဒါကြောင့် Pacific Rim ကလည်းခြွင်းချက်မဟုတ်ပါဘူး.. ပထမကားက ဘယ်လောက်ပဲလိုအပ်ချက်တွေရှိခဲ့တယ်ဆိုပေမယ့် Jaeger စက်ရုပ်ကြီးတွေနဲ့ Kaiju တွေ သူတစ်ပြန်ကိုယ်တစ်ပြန်တီးကြတဲ့အခန်းတွေက အမှန်အကန်လန်းတာမို့ ကိုယ်တွေရဲ့ inner-9-years-old က မြိန့်မြိန့်ကြီးပြုံးနေခဲ့မိတာကတော့အမှန်ပါပဲ။ ဒုတိယကားဖြစ်တဲ့ Pacific Rim Uprising ထွက်ရှိမယ့်ရက်ကိုလည်း calendar ကြည့်ပြီးစောင့်နေတယ်ဆိုရင်မမှားပါဘူး။ ဒါပေမယ့် ပြီးခဲ့တဲ့အောက်တိုဘာလတုန်းက First Trailer ထုတ်ပေးခဲ့ပြီးကတည်းက စာမလာသတင်းမကြား ပျောက်ချက်သားကောင်းနေခဲ့တာ ဒီနေ့မှာတော့ သူ့ရဲ့ဒုတိယမြောက် trailer ကိုထုတ်ပေးလိုက်ပြီဖြစ်ပါတယ်။

 

ဒီ trailer မှာဆိုရင် အရင် trailer မှာဖျတ်ခနဲပဲမြင်ခဲ့ရတဲ့ မျိုးဆက်သစ် Jaeger Pilot တွေကို ပိုပြီးသေသေချာချာဖော်ပြထားတာကိုတွေ့ရမှာပါ။ ပြီးတော့ ပထမ trailer မှာ Jaeger စက်ရုပ်ကြီးနှစ်ရုပ် အပြန်အလှန်တီးနေတာကိုကြည့်ရှုခဲ့ကြရပါတယ်.. ဒါပေမယ့် ဘာကြောင့်ချနေတာမှန်းမသိခဲ့ရပါဘူး။ ဒီ trailer ကြည့်ပြီးသွားရင်တော့ အဲဒီအကြောင်းရင်းကို အနည်းနဲ့အများခန့်မှန်းလို့ရသွားမှာဖြစ်ပါတယ်။ ပြီးတော့ Jaeger စက်ရုပ်တွေနဲ့ Kaiju တစ်အုပ် မြို့လယ်ကောင်မှာတီးနေကြတာကိုလည်း တော်တော်အသားပေးဖော်ပြထားပါတယ်။ လုံးဝအသစ်အနေနဲ့ပါဝင်လာတာကတော့ Kaiju တွေဘာကြောင့်ပြန်ရောက်လာလည်းဆိုတာကို အရိတ်အမြွတ်ပြောပြသွားခြင်းဖြစ်ပါတယ်.. ဒီတစ်ကြိမ်မှာတော့ လူသားတွေဖက်ကတစ်စုံတစ်ယောက်က Kaiju တွေကို တမင်သက်သက်ဖိတ်ခေါ်လိုက်တဲ့အတွက် အဲဒီဧရာမအကောင်ကြီးတွေက ကမ္ဘာမြေကြီးဆီကို နောက်တစ်ကြိမ်အလည်အပတ်ပြန်လာကြတာဖြစ်ပါတယ်။ အဲဒီလိုဂျင်းထည့်တဲ့သူတွေရှိလို့လည်း sequel ထွက်လာတာဆိုတော့ ကျွန်တော်ကတော့အိုကေချက်ပါပဲ။

 

Pacific Rim Uprising ကိုကြည့်ရဖို့က ၂ လခန့်ပဲလိုတော့တာမို့ အများကြီးစောင့်စရာမလိုတော့ပါဘူး.. ဒီဇာတ်ကားကို ၂၀၁၈ မတ်လ ၂၃ ရက်နေ့မှာ ရုံတင်ပြသသွားမှာဖြစ်ပါတယ်။